Дзьмітрыеў падаў скаргу на вынікі выбараў у Вярхоўны суд

«Мы не прызнаем вынікаў выбараў. Беларусі патрэбныя новыя выбары», — напісаў кандыдат на выбарах прэзыдэнта на сваёй старонцы ў Фэйсбуку.

21 жніўня адвакат Максім Знак, які прадстаўляе інтарэсы Сьвятланы Ціханоўскай, падаў у Вярхоўны суд скаргу аб прызнаньні выбараў 9 жніўня несапраўднымі.

За дзень да таго скаргу ў Вярхоўны суд на прызнаньне несапраўднымі выбараў прэзыдэнта падала іншая кандыдатка ў прэзыдэнты Ганна Канапацкая.

ГЛЯДЗІЦЕ ТАКСАМА:

Жнівень-2020. Мы — сьведкі. „У галаве дзьве гематомы, а саджаюць у турму“. АБНАЎЛЯЕЦЦА

Раней усе кандыдаты, за выключэньнем Аляксандра Лукашэнкі, падалі скаргі на вынікі выбараў у ЦВК. Але камісія адхіліла іх.

Згодна з зацьверджанымі ЦВК вынікамі, за Лукашэнку прагаласавалі 80,1% выбарнікаў, за ягоную асноўную апанэнтку Сьвятлану Ціханоўскую — 10,12%.

ГЛЯДЗІЦЕ ТАКСАМА:

У Жабінцы пахавалі Генадзя Шутава, якому стрэлілі ў галаву падчас акцыі пратэсту ў Берасьці. ФОТА