У Менску пасьля затрыманьняў людзей з чаргі каля крамы Symbal.by перастаў выходзіць на сувязь няштатны фотакарэспандэнт БелаПАН Андрэй Шаўлюга, піша Беларуская асацыяцыя журналістаў.
Абноўлена: Шаўлюгу вызвалілі а 22:14.
Шаўлюга працаваў каля крамы Symbal.by. Пасьля затрыманьняў у рэдакцыі зьнікла зь ім сувязь. Месцазнаходжаньне Шаўлюгі невядомае.
Увечары 23 чэрвеня пасьля паведамленьня пра закрыцьцё крамы Symbal.by каля яе ўтварылася чарга з 50 пакупнікоў. Сузаснавальнік крамы Мікіта Броўка паведаміў Свабодзе пра затрыманьне 20 чалавек.
Бізнэсовец Павал Белавус абвясьціў пра закрыцьцё афлайн-крамы Symbal.by з 29 чэрвеня. Раней прыпыніла сваю працу онлайн-крама.Паводле Белавуса, праверкі крамы не спыняюцца, а толькі павялічваюцца.
