За матчам зборных Беларусі і Нямеччыны з трыбуны «Барысаў-арэны» назірае знакаміты нямецкі футбаліст і трэнэр Юрген Клінсман.
Матч праходзіць у рамках кваліфікацыі Чэмпіянату Эўропы 2020 году.
54-гадовы футбаліст некалі выступаў за «Штутгард», «Баварыю», «Манака», «Тотэнхэм» і іншыя клюбы. Чэмпіён сьвету 1990 году і чэмпіён Эўропы 1996 году. У 108 гульнях за зборную Нямеччыны забіў 47 галоў — лепшыя паказчыкі мелі ўсяго тры чалавекі за ўсю гісторыю нямецкага футболу.
У 2004-2006 гадах быў трэнэрам зборнай Нямеччыны.
