Нямеччына падаўжае яшчэ на паўгода дзеяньне кантролю на мяжы з Аўстрыяй — з 12 лістапада да 11 траўня 2019 году. Апавяшчэньне аб гэтым рашэньні Бэрліну ўзгоднена з Аўстрыяй, Даніяй, Швэцыяй, Нарвэгіяй і накіравана Эўрапейскай камісіі, а таксама ўрадам краін Эўразьвязу.
Як заявіў кіраўнік МУС Горст Зээгофэр, цяпер яшчэ няма перадумоваў для адмены кантролю на ўнутраных межах ЭЗ. Кантроль быў уведзены ў 2015 годзе ў адпаведнасьці з Шэнгенскім памежным кодэксам на фоне недастатковай абароны вонкавых межаў Эўразьвязу, у выніку чаго дагэтуль назіраецца ўзмоцненая паўторная міграцыя ў Нямеччыну, адзначаецца ў заяве, апублікаваным на сайце міністэрства.
Раней сьледам за Нямеччынай памежны кантроль аднавілі Аўстрыя, Данія, Швэцыя, Францыя і Нарвэгія. Паводле дадзеных паліцыі, у 2017 годзе на аўстрыйска-нямецкай мяжы былі затрыманыя каля 14600 чалавек, амаль палова зь іх былі адпраўленыя назад. За першыя чатыры месяцы 2018 году зарэгістравана каля 3800 затрыманьняў.
