Магілёўская міліцыя абвясьціла ў вышук 17-гадовых Івана Янкоўскага і Аляксея Астапенку, а таксама 16-гадовага Кірыла Макара, якія знаходзіліся на абсьледаваньні ў Магілёўскім абласным псыхіятрычным шпіталі.
Падлеткі зьбеглі 24 верасьня а 18-й гадзіне: разьбілі вакно на першым паверсе і сышлі. Паводле міліцыі, хлопцы хутчэй за ўсё накіраваліся ў Расею. Падлеткі былі апрануты ў шпітальныя піжамы ў шэра-сінію клетку, шкарпэткі і тапкі на нагах. Паведамляецца, што яны маглі зьмяніць адзеньне і абутак.
Гэта мінімум трэці пабег Івана Янкоўскага, які выхоўваецца ў магілёўскім спецвучылішчы № 2 закрытага тыпу.
