На 15-кіляграмовым кубку УЭФА замест дзяржаўнага сьцягу Беларусі зьмешчаны нацыянальны бел-чырвона-белы сьцяг.
Арыгінал на падстаўцы з жоўтага мармуру быў выраблены ў мілянскай майстэрні Бэртоні да фіналу 1972 года. Але ў 90-я гады ў яго аснову, дзе зьмешчаныя сьцягі эўрапейскіх дзяржаваў, былі ўнесеныя зьмены.
Згодна з новымі правіламі, якія ўступілі ў сілу з сэзона 2009/2010, трафэй захоўваецца ва УЭФА вечна, кожнаму пераможцу ўручаецца поўнапамерная копія кубка.
Мадрыдзкі футбольны клюб «Атлетыка» ў трэці раз стаў пераможцам фіналу Лігі Эўропы. У фінальным матчы ў Ліёне яны абыгралі «Марсэль» зь лікам 3:0.
