Трэнэр зборнай Беларусі па фрыстайле Мікалай Казека пракамэнтаваў БЕЛТА залаты мэдаль фрыстайлісткі Ганны Гуськовай на Алімпіядзе ў Пхёнчхане.
«Ганна Гуськова зрабіла ўсё выдатна. Яна доўга ішла да гэтай перамогі і шмат працавала, асабліва ў апошнія гады, таму яе посьпех заканамерны».
Казека сказаў, што беларускія заўзятары маглі разьлічваць 16 лютага на два мэдалі ў фінале жанчын па лыжнай акрабатыцы.
«Ала Цупер выконвала вельмі складаныя скачкі, але ў той момант, калі яна памылілася, я не даваў дазволу на пачатак выступу, паказваў гэта знакамі, аднак дырэктар спаборніцтваў уключыў таймэр, і Ала была вымушана скокнуць. Калі б крыху пачакалі, улічваючы памылкі кітаянак, маглі б заваяваць яшчэ адну ўзнагароду».
Казека адзначыў, што 17 лютага пройдзе кваліфікацыя па фрыстайле ў мужчын, і трэба шмат зрабіць, каб наступныя два дні былі для беларускай зборнай такія ж плённыя.
Беларусы на Алімпіядзе ў Пхёнчхане. Удзельнікі, каляндар, прагнозы
Фрыстайлістка Ганна Гуськова прынесла 16 лютага першае золата беларускай зборнай на Алімпіядзе-2018. 25-гадовая нараджэнка Менску ўжо была прызэркай этапаў Кубку сьвету, а пры канцы 2017-га атрымала і першую перамогу.
