Актывіст Яўген Батура знаходзіцца зараз у Маскоўскім РАУСе, але ў міліцыі кажуць, што яго хутка павінны адпусьціць.
Пра гэта паведаміла Свабодзе актывістка Дзіяна Серадзюк, якая прыехала да Маскоўскага РАУСа.
«Дзяжурны сказаў, што зараз аглядаюць яго машыну і хвілін праз 15-20 быццам бы адпусьцяць. Машыну правяралі на згон. Прычыны затрыманьня так і не патлумачылі», — кажа яна.
Яўген Батура быў затрыманы на праспэкце Незалежнасьці насупраць галоўпаштамта, дзе адбывалася акцыя салідарнасьці з Эдуардам Пальчысам.
На акцыю Батура прыехаў на аўтамабілі, упрыгожаным бел-чырвона-белымі сьцяжкамі. Супрацоўнікі ДАІ спынілі яго, пасадзілі ў міліцэйскую машыну і адвезьлі ў Маскоўскі РАУС.
