وسیم سجاد په پېښور کې د مشال راډيو خبریال دی چې د خیبر پښتونخوا پر سیاسي، ټولنیزو او نورو چارو راډیويي او ویډيويي رپورټونه جوړوي.
په کورمه کې د مساپر لېږدوونکو ګاډو پر قافله د وسلوال برید پرضد د پاکستان په مختلفو ښارونو کې مظاهرې شوې دي. چارواکي وايي، د نومبر ۲۱مې په برید کې د وژل شویو شمېر ۵۰ ته رسېدلی دی. د نومبر پر ۲۲مه په کورمه کې د یوشمېر وژل شویو جنازې وشوې. ویډیويي رپورټ.
په خیبر کې د پښتنو د قامي عدالت په نامه جرګې په پاکستاني پوځ او وسلوالو ډلو غږ کړی چې په دوو میاشتو کې د پښتنو له خاورې ووځي.د اکتوبر ۱۳مې په شپه ناوخته د دغې درې ورځنۍ جرګې په ۲۲ مادو مشتمله اعلامیه د ګډونوالو په وړاندې اعلان کړه.
په داسې حال کې چې په لسګونو خیمو کې د پاکستان د پښتون مېشته سیمو استازو پر مختلفو موضوعاتو بحثونو او مشورو ته دوام ورکړی دی، د بېلابېلو ګوندونو مخکښ سیاستوالان د لویې جرګې پر درېیمه او وروستۍ ورځ د جرګې مرکزي تالار ته ورغلي او هلته یې ناستو کسانو ته ویناګانې کړې دي. په دې اړه ویډیويي راپور.
د خیبر په رېګي للمه ميدان کې "د پښتنو قامي عدالت" په نوم جرګه د اکتوبر پر ۱۲مه مازيګر په رسمي توګه پيل شوه. په دې جرګه کې د پاکستان د بېلا بېلو سيمو لسګونه زره کسان راغونډ شوي او پښتنو ته د ورپېښو ستونزو او د هغوی د هواري په اړه به مشورې او پرېکړې کوي. نور حال د وسيم سجاد په ويډيويي راپور کې واورئ.
د غورځنګ مشر منظور پښتین د اکتوبر ۱۱مې په شپه ناوخته د خيبر ضلعې د جمرود په رېګي للمه کې د جرګې لپاره راټول شوو خلکو ته په خپله وينا کې وويل، که څه هم ټاکل شوې وه چې د پښتون قامی عدالت په نوم جرګه به د اکتوبر پر ۱۱ مه پيل شي.
پښتون ژغورنې غورځنګ (پي ټي اېم) د اکتوبر پر ۱۱مه د درې ورځنۍ لویې جرګې لومړنۍ چارې پیل کړې دي. ټاکل شوې وه چې جرګه سهار پیل شي خو وروسته یې وویل چې انتظامات بشپړوي. د پي ټي اېم مخکښ فعالان وايي چې د خیبر پښتونخوا حکومت ورته ډاډ ورکړی دی چې د جرګې پر مهال به هېڅ مشکل نه جوړېږي. نور په ویډیو کې.
د خيبر په جمرود کې د اکتوبر پر ۱۰مه د پښتون ژغورنې غورځنګ (پي ټي اېم) د هغو درو پلويانو د جنازې لمونځونه ادا کړل شول چې د غورځنګ په وينا، د اکتوبر پر نهمه د پوليسو په مستقيمو ډزو وژل شوي ول. د ډزو پر مهال د پي ټي اېم تر ۱۰ زيات فعالان ژوبل شوي هم ول. ويډيو رپورټ
د پښتون ژغورنې غورځنګ (پي ټي اېم) مشران وايي چې د خيبر د جمرود سيمې په رېګي للمه ميدان کې يې د پوليسو تر چاو وروسته د راتلونکې جرګې لپاره د انتظامي کيمپ خیمې بيا درولې دي. هغوی وايي چې د اکتوبر پر ۱۱مه به هر حال کې جرګه کوي. ويډيو رپورټ
په پېښور کې یوې افغانې کډوالې زرغونې حمیدې په خپل کور کې د نجونو لپاره د مصنوعي زیوراتو (سینګار توکو) جوړولو زده کړې مرکز پرانیستی دی. زرغونه وایي چې د دې کار له لارې غواړي کډوالو افغان نجونو ته د پیسو ګټلو اسانه لارې پیدا کړي.
د خیبر پښتونخوا د ځوانو ډاکترانو سازمان له حکومته غوښتي دي چې په هغه صوبه کې دې شاوخوا ۶۰۰۰بې روزګاره ډاکترانو ته دندې ورکړي. د سازمان مشرانو او غړو د سېپټېمبر پر ۱۹مه په پېښور کې د صوبايي اسمبلۍ ودانۍ مخې ته مظاهره وکړه او تر څو ساعتونو پورې یې د ښار خیبر سړک هم د ګاډو پر مخ تړلی وو.
د سېپټېمبر پر اتمه د سواد یا لیک لوست د نړیوالې ورځې په توګه لمانځل کېږي چې موخه یې په دې اړه پوهاوی زیاتول دي. پاکستان د نړۍ له هغو هېوادونو یو دی چې پکې مېلیونونه ماشومان له رسمي زده کړو بې برخې دي او پکې ګڼ خلک لیک لوست نه شي کولای.
د پېښور تاج مینه په کوچنیوالي کې ګوزڼ ووهله او په دواړو پښو شله شوه. د همدې له وجې د هغې زده کړې په پینځم ټولګي کې نیمګړې پاتې شوې
د پاکستان حکومت د روان ۲۰۲۴ز کال له فرورۍ راهېسي پر اېکس، چې پخوا ټويټر نومېده، محدودیتونه لګولي دي. دا له هغې وروسته ده چې د عامو انتخاباتو وروسته په ټولينزو رسنيو په انتخاباتو کې په مبیینه درغليوو او پوځي پالیسيوو نيوکې زیاتې شوې.
په کورمه کې جګړه ودرېدلې خو دايمي حل نه دی راوتلی
موسا خان د ملاکنډ پوهنتون زده کونکی وو. هغه د مې پر ۳۰مه پر موټرسايکل په يوه ټرافيکي پېښه کې وژل شوی او دوه ملګري يې ژوبل شوي ول.
د ملاکنډ پوهنتون د زده کوونکي موسا خان مرګ ډير غبرګونونه پارولي دي
د پېښور هما حشمت له دريوو کلونو راهیسې پر موټرسایکل ګرځي. هغه وايي په پښتنه ټولنه کې پر موترسايکل د ښځو ګرځېدل عیب ګڼل کيږي خو د هغې په وينا غواړي دا سوچ بدل کړي.
د کرغزستان په سرښار بشکيک کې د مې ۱۷مې او ۱۷مې ترمنيځ شپه کې ځايي خلکو په پوهنتونونو کې بهرني زده کوونکي ووهل. د چارواکي په وينا دا تشدد کوونکي د مصريانو او ځايي خلکو ترمنځ د نښتې يوې ويډيو پارولې وو.
په داسې حال کې چې د مې پر درېیمه د رسنیو د ازادۍ نړیواله ورځ ده، پاکستاني خبریالان وايي چې هلته پر خبریالۍ محدودیتونه زیات شوي دي. د رسنیو د خپلواکۍ او د بیان ازادۍ لپاره کارکوونکې ناحکومتي ادارې فریډم نېټورک په خپل تازه رپورټ کې ویلي دي چې په پاکستان کې د بیان ازادۍ وضعیت لا خراب شوی دی.
نور وښیئ
