پېښور کې د مولانا جلال الدین بلخي په نوم "رومي کیفې" پرانیستل شوې
په پېښور کې د مولانا جلال الدین محمد بلخي، چې په مولانا رومي هم پېژندل کېږي، په نوم یوه کیفې یا چایخانه پرانیستل شوې ده. په چایخانه کې کتابتون هم دی او پکې د قوالۍ محفلونه هم جوړېږي. د چایخانې مالک وايي، موخه یې صوفي فکر او نظریې ته وده ورکول دي. مولانا بلخي د افغانستان په بلخ ولایت کې زېږېدلی وو او د ۱۳مې پېړۍ له نومیالیو صوفي شاعرانو څخه وو چې زیاتره شعرونه یې په فارسۍ ژبه لیکلي دي. ویډیويي رپورټ.