د واورې ورښت د پکتیا بزګر د حاصلاتو زیاتېدو ته هیله من کړي دي
د پکتیا کروندګر په مرکز ګردېز او نورو سیمو کې وروستیو واورو خوشاله کړي دي او هیله لري چې په نوي لمریز کال کې به یې حاصلات زیات شي. دوی وايي چې که نوره واوره هم وشي نو د ځمکلاندې اوبو سطح به زیاته شي. د ولایت اوسېدونکي وروستۍ واورې د ځنګلونو د احیا او ودې لپاره هم ګټوره بولي. د اب و هوا یا اقلیم بدلون په تېرو کلونو کې د افغانستان مختلفې برخې زیانمنې کړې دي او د پکتیا په ګډون زیاتره ولایتونه د اوږدمهالې وچکالۍ ښکار پاتې شوي دي. ویډیويي رپورټ.