د پېښور پولیس وايي، د پولیسو د ترهګرۍ ضد څانګې (کاونټر ټېررېزم ډيپارټمنټ یا سي ټي ډي) تاڼې د وسلو په ګودام کې د بارودو په ګودام کې چاودنې یو سرتېری وژلی او دوه یې یې ټپي کړي دي.
د پېښور د پولیسو مشر میا سعید رسنیو ته وویل، چاودنه د نومبر دویمې پر سهار وشوه چې له وجې یې په ګودام کې اور ولګېد او څو نورې چاودنې وشوې.
نوموړي زیاته کړې چې تر پېښې وروسته یې په تاڼه کې بند کسان خوندي ځای ته انتقال کړي دي.
پولیس وايي، د چاودنې له وجې د تاڼې یوه برخه ړنګه شوې ده.
سعید دا و نه ویل چې د چاودنې لامل څه وو خو د ترهګرۍ ضد پولیسو په بیان کې ویلي چې له لومړنیو پلټنو ښکاري چې دا جنايي یا د ترهګرۍ پېښه نه وه.
نوموړی زیاتوي چې د پېښې پلټنې یې پیل کړې دي.
