د پښتو ژبې شاعر او ليکوال مصطفا سالک د "ځلانده کلتوري مشر" جايزه ګټلې
امريکا مېشتي "جنيد شريف بنسټ" سږ کال د ادب لومړۍ جايزه، چې د ځلانده کلتوري مشر په نوم يادېږي، ليکوال او شاعر مصطفا سالک ته ورکړې ده. سالک څلور د شاعرۍ او دوه کتابونه پر کره کتنې ليکلي دي. نوموړي پر دې سربېره يو ناول او يو د هنري نثرونو کتاب هم ليکلی دی. سالک د فارسي شاعرۍ د يو کتاب ليکلو ترڅنګ د پښتو ژبې پر کلاسيکو شاعرانو څېړنيز کار هم کړی دی.