د بنګلادېش کرکټ ملي لوبډلې افغانستان ته په پرلپسې دويمه ۲۰ اووريزه لوبه کې په ماتې ورکولو سره د درو ۲۰ اووريزو سياليو لوبلړۍ وګټله.
د دواړو هېوادونو ترمينځ دويمه ۲۰ اووريزه لوبه د اکتوبر پر درېيمه د متحده عربي اماراتو د شارجې په لوبغالي کې وشوه.
افغان لوبډلې لومړی توپوهنه وکړه په او په ټاکل شويو ۲۰ اوورونو کې يې د پينځو لوبغاړو په زيان ۱۴۷ منډې وکړې.
په ځواب کې بنګلادېشۍ لوبډلې د اتو لوبغاړو په زيان د ۲۰م اوور پر لومړي توپ ټاکل شوی هدف پوره کړ او لوبه يې وګټله.
تر دې وړاندې، د اکتوبر پر دويمه هم بنګلادېش افغانستان ته په څلورو وېکټو ماتې ورکړې وه.
د دواړو هېوادونو ترمينځ به درېيمه او وروستۍ ۲۰ اووريزه لوبه د اکتوبر پر پينځمه کېږي.
تر هغه وروسته به دواړې لوبډلې درې يو ورځنۍ يا ۵۰ اووريزه سيالۍ کوي.
