اسیرمنګل ولس او ریاست دواړو ستایلی
د پروفیسر اسیر منګل د ادبي هلو ځلو او خدمتونو ستاینه په ولسي کچه هم شوې ده او د پاکستان حکومت هم هغه ته صدارتي ایوارډ ورکړ دی. د پښتو ادبي تنظیمونو هم د اسير منګل د خدمتونو په ویاړ وخت په وخت غونډې جوړې کړې دی. اسیر منګل شعر او افسانې لیکي، څېړنې کوي او نور ادبي خدمتونه یې هم کړي دي. نوموړي په ورځپاڼو کې د یو کالم لیکونکي په حیث هم کار کړی دی او په بېلابېلو کالجونو کې یې د پښتو د پروفیسر په حیثیت هم دنده ترسره کړې ده. مشال راډیو له اسیر منګل سره مرکه کړې ده.