سېلابونو په پنجاب کې له ۱۶۰۰ زیات کلي لاندې کړي دي
له خیبر پښتونخوا وروسته پنجاب صوبه هم سېلابونو سخته ځپلې ده. د پاکستان د طبیعي ناورینونو پر وړاندې د مبارزې ملي ادارې (اېن ډي اېم اې) د اګست پر ۲۹مه پر ووبپاڼه لیکلي دي چې سېلابونو په پنجاب کې ۱۷ کسان وژلي دي چې ورسره په پنجاب کې د وژلو شویو کسانو شمېر ۴۲ ته پورته شوی دی. دا په داسې حال کې ده چې په روان اګست میاشت کې په ټول پاکستان کې د ورښتونو پر مهال پېښو او سېلابونو ۵۴۷ کسان وژلي او ۴۱۷ یې ژوبل کړي دي. چارواکي وايي په پنجاب کې سېلابونو له له ۱۶۰۰ زیات کلي لاندې کړي دي چې پکې کرتارپور هم شامل دی چېرته چې د سېکانو د مذهبي پېښوا بابا ګورو نانک مزار دی. نور حال د رویټرز اژانس له ویډیو جوړ راپور کې وګورئ.