د اورکزو خلکو له حکومته د امنیت ټینګولو غوښتنه وکړه
د اورکزو د بېلابېلو سیمو مشرانو د یوې جرګې پر مهال وویل، حکومت ته د پوځي عملیاتو اجازه نه ورکوي او نه هم کډو کولو ته تیار دي. د اګست پر اتمه په ډبوري کې ترسره شوې دې جرګه کې مشرانو پر حکومت غږ وکړ چې د امنیت د ټینګولو لپاره دې د مذاکراتو لاره خپله کړي او نورې متبادلې لارې دې ولټوي. دا په داسې حال کې ده چې حکومت ویلي، په اورکزو کې د امنیتي حالاتو د خرابوالي نه پس یې هغلته عملیات وار له مخه پیل کړي دي. نور حال په دې راپور کې.