د خیبر پښتونخوا د سوات په سيلانۍ سیمه کالام کې د یو کښتۍ ډوبېدو په پېښه کې دوې ښځې وژل شوي او درې لادرکه دي.
په سوات کې ژغورونکې ادارې - ریسکيو ۱۱۲۲ - د جون پر ۲۲مه مشال راډيو ته ویيلي چې دا پېښه د کالام په لرې پرته سيمه شاهي باغ کې د جون پر ۲۱مه شوې ده.
نوموړي ویلي چې یوه داسې کښتۍ د انجنې خرابېدو له امله ډوبه شوې ده چې ۱۰ تنه پکې سپاره وو.
د یادې ادارې چارواکي وايي چې په دې پېښه کې اووه کسان له اوبو را اېستل شوي خو درې مېرمنې لادرکه دي.
د دوی په وینا، دا سېلانیان د مردان، شير ګړ او د پنجاب صوبې د راولپنډۍ دي. په دوی کې ماشومان هم شامل دي.
