د پاکستان، نیو زیلینډ او جنوبي افریقا د ملي لوبډلو ترمینځ د یو ورځني کرکټ سیالۍ د فبرورۍ پر اتمه پیلېږي.
ټاکل شوې چې د لاهور په قذافي لوبغالي کې د کوربه پاکستان او نیو زیلینډ ترمینځ سیالي د پېښور پر وخت د ماسپښین پر دوو او د کابل پر یوه نیمه بجه پیل شي.
تر دې وروسته به دویمه سیالي د نیو زیلینډ او جنوبي افریقا او درېیمه به د پاکستان او جنوبي افریقا ترمینځ کېږي. ټاکل شوې چې دوه غوره لوبډلې د فبرورۍ پر ۱۴مه د لوبلړۍ په پایلوبه کې یو بل ته مخامخې شي.
دا سیالۍ په داسې حال کې کېږي چې د فبرورۍ له ۱۹مې څخه د پاکستان په کوربه توب د اتلانو جام یا چیمپیینز ټرافۍ په نوم ۵۰ اووره سیالۍ پیلېږي چې پکې اته غوره لوبډلې برخه اخلي.
