د کډوالو په اړه د ټرمپ فرمان پاکستان کې پراته افغانان اندېښمن کړي
د امریکا ولسمشر ډانلډ ټرمپ د جنورۍ پر ۲۰مه د خپلې دندې تر لوړې وروسته یوشمېر اجراییوي فرمانونه لاسلیک کړل چې ورڅخه یې یو هغه هېواد ته د کډوالۍ بهیر ځنډوي. په سلګونو افغانان چې په امریکا کې یې د پناه اخیستو غوښتنلیکونه منل شوي دي اوس له یو نامعلوم برخلیک سره مخامخ ښکاري. له هغو څخه یې ځینو مشال راډیو ته ویلي دي چې د امریکايي ولسمشر اقدام یې "د مرګ له خطر" سره مخامخولای شي. تفصیل د مشال راډیو د خبرونو مرکزي څانګې له ویډیو په جوړ رپورټ کې.