ملګري ملتونه: پاکستان کې ۳۲ سلنه ښځې د تشدد او ځورونو ښکار کېږي
د ملګرو ملتونو د نفوسو چارو ادارې ویلي دي چې په پاکستان کې د قوانینو پر موجودګۍ سربېره پر جنسیتي بنیاد د تاوتریخوالي او د ښځو د ځورونو پېښې کېږي. هغې ادارې ویلي دي چې دا یوه لویه مسله ده ځکه چې په هغه هېواد کې ۳۲ سلنه ښځې په څه نا څه شکل د تشدد او ځورونو ښکار کېږي. په پاکستان کې د ښځو د حقونو او خوندیتوب لپاره د سرکاري ادارې چارواکي مني چې پر جنسیتي اساس د ښځو ځورونې او ورباندې تشدد یوه لویه ستونزه ده. فعالانې وايي چې ښځې د تشدد او ځورونو له وجې د ټولنې په بېلابېلو برخو کې وروسته پاتې کېږي. نور په دې رپورټ کې.