اقتصادي راهدارۍ کې يواځې مشرقي لار جوړېږي. مقبول اپرېدی
د پاکستان سوداګرۍ او صنعت خونې (فېډرېشن اف پاکستان چېمبراف کامرس اېنډ انډسټرۍ) د ګوادر لپاره د خصوصي کميټۍ مشر کرنل ريټایرډ مقبول اپرېدی وايي چې د چین – پاکستان اقتصادي راهدارۍ په منصوبه کې نه خو تر دې دمه مغربي لار ته پېسې ځانګړې کړل شوې دي او نه د منصوبه بندۍ د کمېشن په اسنادو کې د ګوادر لپاره پېسې ايښودل شوي دي. له مشال رېډيو سره په يوه مرکه کې نوموړي د سي پېک په اړه وويل چې دا په اصل کې څلور برخې لري چې پکې د توانايۍ منصوبې، د سړکونو جوړول، کارخانې او د ګاډو تګ راتګ شامل دي.
