“Парламентская газета” – нашрияи Думаи давлатии Русия мегӯяд, ин хабар рӯзи 1 ноябр дар портали санадҳои меъёрӣ нашр шудааст. Бино ба ин пешниҳод, барои супурдани имтиҳони забони русӣ аз хориҷиҳо бо ҳадафи гирифтани шаҳрвандии Русия 2950 рубл талаб мешавад. Таъини йни ҳамин нарх барои супурдани имтиҳони таърихи Русия ва асосҳои қонунгузории ин кишвар ҳам пешниҳод шудааст.

Барои онҳое, ки мехоҳанд иҷозаи зисти муваққатӣ бигиранд, нархи имтиҳони забони русӣ ё таъриху қонунгузории Русия 5900 рубл мешавад. Барои иҷозаи кор ё гирифтани патенти кор 3800 рубл барои як имтиҳон таъин шудааст.

Аз ин ҳисоб, ба навиштаи нашрия, маоши ходимони полис боло бурда мешавад. Тарҳи қарор дар бораи таъини нархномаи имтиҳонҳо барои муҳоҷирон то 7 ноябр бояд мавриди санҷишу омӯзиши қарор дода шавад ва иҷрояш ҳамзамон бо қонуни “Мақоми ҳуқуқии шаҳрвандони хориҷӣ дар Федератсияи Русия” ба роҳ монда мешавад.

Бар асоси қарорҳои ахири Думаи давлатии Русия, қабули имтиҳон аз муҳоҷирон ба миёнаравҳо ё ширкатҳои алоҳида манъ карда шудааст.

Акнун дар ҳар минтақаи Русия як донишгоҳ вазифадор мешавад, ки аз муҳоҷирон имтиҳон гирад.

Баъд аз ҳамла ба толори "Крокус Сити Ҳолл" дар наздикии Маскав, санҷишу тафтиши муҳоҷирон ва тартиби гирифтани имтиҳон аз онҳо сахтар шудааст.

Ин қарор дар ҳоле қабул шуд, ки мақомоти маҳаллиро барои вокуниши кунд ба бӯҳрон интиқод мекунанд.

Бар асоси иттилои ахир, дар обхезиҳои ахир на камтар аз 200 нафар ҷон додаанд ва эҳтимоли афзоиши ин омор ҳам вуҷуд дорад. Рӯзи душанбе дар ин минтақа боронҳои сели зиёд борид ва дар натиҷа, пулу роҳҳо, хатҳои барқу лӯлаҳои об хароб гардида, роҳҳои интиқоли хӯрокворӣ осеб диданд.

Барои кӯмак дар поккории оқибатҳо ҳазорҳо нафар сафарбар шудаанд. Хатари бадтар шудани вазъи ҳаво боқӣ мемонад.

Дар Тоҷикистон президент Эмомалӣ Раҳмон дар барқияе ба номи подшоҳи Испания Филипп аз “талафоти бузурги инсонӣ ва харобиҳои зиёд” изҳори тасаллият кардааст.

Хоманеӣ ва дигар мақомоти эронӣ ҳарчи бештар таҳдид мекунанд, ки баъди ҳамлаи рӯзи 26 октябри Исроил болои пойгоҳу дигар маконҳои низомии Эрон ва кушта шудани дастикам панҷ нафар, ҳамлаҳои навбатие болои Исроил анҷом хоҳанд дод.

Хатари ин вуҷуд дорад, ки ҳама гуна ҳамлаи навбатӣ метавонад вазъи бе ин ҳам мушкили Ховари Миёнаро печидатар кунад, чун аз замони шурӯи ҷанги миёни Исроил ва созмони Ҳамос, ки онро Амрико ва Иттиҳоди Аврупо террористӣ меноманд, ҳеҷ аломате аз хатми ин бӯҳрон ба назар намерасад.

Ин хабар дар остонаи интихоботи президентӣ дар Амрико нашр шуд, ки 5 ноябр барпо мешавад ва яке аз мавзӯъҳои калидии ин маърака баҳси сари идомаи ёриҳо ба Украина мебошад.

Дар таблиғоти пешазинтихоботии ахир хеле рӯшан дида мешавад, ки дидгоҳҳои номзади ҷумҳурихоҳҳо Доналд Трамп ва Камала Ҳарриси демократ ба идомаи ёриҳо ба Украина аз ҳам хеле фарқ мекунанд.

Дар ҳоле, ки Трамп гуфтааст, агар ӯ президент мешуд, ҳеҷ гоҳ вориди бӯҳрони Украина намегардид, Ҳаррис ва ҷумҳурихоҳҳои бонуфуз мегӯянд, кӯмак ба Украина барои ҳифзи демократия аз рафтори хашини Русия бо Аврупову Ғарб бисёр муҳим аст.

Ин нуктаро ӯ рӯзи 29 октябр дар маросими ифтитоҳи “Муассисаи давлатии омодасозии кадрҳои баландихтисос” изҳор дошт. Ӯ, ки бори дигар ба риоя шудани қонунҳо «Дар бораи танзими ҷашну маросим» ва «Дар бораи масъулият барои таълиму тарбияи кӯдак» таъкид намуд, гуфт, баъди супориши ӯ аз ҷониби сохторҳои вазорати корҳои дохилӣ дар саросари Тоҷикистон боздоштҳо сурат гирифт.

Президенти Тоҷикистон гуфт: “1500 нафар шахсоне, ки ба сеҳру ҷоду ва фолбинӣ машғул буданд ва зиёда аз 5000 нафар муллоҳои чаласавод барои хурофотпарастӣ дастгир гардида, ба қайди мақомоти корҳои дохилӣ гузошта шудаанд”. Маълум нест ин шумор нафарон дар чӣ муддат боздошт шудаанд ва сарнавишти баъдии онҳо чӣ шуд.

Президенти Тоҷикистон, ки барои саркӯби озодиҳои динӣ танқид мешавад, мегӯяд, ҷаҳолату хурофотпарастии динӣ як омили густариши ифротгароӣ ва терроризм мешавад. Давоми солҳои гузашта садҳо ҳодисаи ба ҷавобгарӣ кашидани афрод барои фолбинию фаъолияти динии ғайриқонунӣ расонаӣ шудааст.

Моҳи августи имсол Вазорати корҳои дохилии Тоҷикистон бо нашри изҳороте инчунин муштариёни фолбинону ҷодугаронро ҳушдор дод, ки аз хадамоти ин афрод истифода накунанд, вагарна “ба шуъбаҳои Вазорати корҳои дохилӣ даъват карда мешаванд ва нисбаташон мавод тартиб дода шуда, дар махзанҳои Вазорати корҳои дохилӣ бо расмҳояшон гузошта мешаванд”.

Рӯзи 1 ноябр дар ноҳияи Восеъ дар синни 66-солагӣ Маҳмадсафар Муродов - фалаксаро ва Ҳофизи халқии Тоҷикистон даргузашт. Як хабарнигор аз ноҳияи Восеъ, ки нахост номаш нашр шавад, рӯзи 2-юми ноябр дар суҳбат ба Радиои Озодӣ гуфт, ки ин овозхон чанд моҳ боз аз диабети қанд ранҷ мекашид ва вақтҳои охир дар хонааш бистарӣ буд. Ба гуфтаи ин ҳамсуҳбати мо, ӯ дирӯз тақрибан соатҳои 10 субҳ даргузашт ва ҳамон рӯз ӯро дар мазори деҳаи Гулободи ноҳияи Восеъ дафн кардаанд.

“Бемор буданд, дар ҳамин хонаашон дар деҳаи Гулобод зиндагӣ мекарданд. Дирӯз субҳ дунёро падруд гуфтанд ва ҳамон рӯз пешнамоз карда дафнаш карданд. Мардум нав имрӯз огоҳ шуданд, ки устод ин дунёро падруд гуфтааст”, афзуд ин ҳамсуҳбати мо.

Маҳмадсафар Муродов хатмкардаи Омӯзшгоҳи ҷумҳуриявии маданӣ-равшаннамоии ноҳияи Ленинро (Рӯдакии ҳозира) корро нахуст аз ансамбли тарона ва рақси «Чашма» дар ноҳияи Восеъ шурӯъ кард. Муаллими мактаби мусиқии маҳаллӣ буд. Баъди соли 2012 то поёни ҳаёташ коргардони ансамбли этнографӣ дар вилояти Хатлон буд.

Дар ҳолномаи Маҳмадсафар Муродов навишта шудааст, ки ӯ ҳангоми хониш бештар дутору найро ба кор мебурд. Баробари рубоиёти халқӣ як силсила таронаҳоро чун «Меҳру вафо», «Дардманди ишқ», «Ба сайри гул наомад», «Фарзанди замин», «Даргоҳи умед», «Рӯзгор», «Ҳамдами ҷон», «Хомӯш намешавад», «Дилрабо»-ро эҷод кардааст. Соли 2009 унвони Ҳофизи халқии Тоҷикистонро соҳиб шуд.

Рӯзи 1 ноябр сомонаи додситонии кулли Тоҷикистон хабар дод, ки мулоқоти Юсуф Раҳмон ва дипломати калони Русия дар бинои додситонии кулли Тоҷикистон дар Душанбе ҷараён гирифт. Дар ин мулоқот “масъалаҳои пешгирӣ ва мубориза бо ҷиноятҳои дорои хусусияти байналмилалӣ, аз қабили терроризм ва ифротгароӣ, гардиши ғайриқонунии маводи мухаддир ва дигар зуҳуроти ҷиноии фаромиллӣ муҳокима гардиданд”, навиштааст сомонаи додситонии кулл.

Ҷузъиёт ё тафсилоти гуфтугӯҳои ду мақом нашр намешавад. Дар идомаи хабар омадаст, ки дар ин дидор инчунин “оид ба вазъи ҳуқуқии муҳоҷирони меҳнатӣ дар Русия ва ҳифзи ҳуқуқи онҳо изҳори назар карда шуд”.

Дар ҳоле, ки иттилои бештар аз дидору гуфтугӯҳои мақомоти русу тоҷик нашр намешавад, мавзӯи фишор болои шаҳрвандони Тоҷикистон дар Русия баъди ҳамла ба толори консертии “Крокус”, боздошту ҳабс, ихроҷу истирдод ва ҳолатҳои фаровони поймолкунини ҳуқуқи инсон аз мушкилоти рақами яки муҳоҷирони тоҷик дар Русия гардидааст.

Пойгоҳи хабарии “Важние истории” навиштааст, ки дар 6 моҳи соли ҷорӣ додгоҳҳои Русия ҳукми рондани 86 ҳазор муҳоҷирро содир кардаанд. Ин аз омори соли 2022 бештар аст. Тибқи иттилои расмӣ, дар нимаи аввали соли ҷорӣ 17 ҳазор шаҳрванди Тоҷикистон аз Русия берун карда шудаанд.

Вазоратҳои умури дохилӣ ва ҳам меҳнату муҳоҷирати Тоҷикистон бо такя ба мақомоти ҳифзи қонуни Русия моҳи октябр шаҳрвандонро аз вуҷуди феҳристи беш аз 120 ҳазор шаҳрванди Тоҷикистон огоҳ карданд, ки ба онҳо барои вайрон кардани қонунҳои муҳоҷират ихроҷ аз хоки Русия таҳдид мекунад.

Дилмурод Эргашев, паноҳҷӯйи 40-сола, рӯзи 28-уми октябр дар Олмон дастгир шуд. Ӯ аз соли 2011 дар ин кишвари аврупоист. Худаш ба Радиои Озодӣ гуфт, ки қарори додгоҳ баромадааст ва эҳтимол ӯро дар ҳафтаҳои аввали моҳи ноябр ихроҷ кунанд.

Мариус Фоссум, намояндаи Кумитаи норвежии Ҳелсинки, рӯзи 1-уми ноябр дар изҳороте гуфт, дар сурати бозгашт ба Тоҷикистон, ба Эргашев шиканҷа ва дигар бадрафторӣ таҳдид мекунад.

Аз ин пеш, 31-уми октябр, Дидбони Ҳуқуқи Башар (Human Rights Watch) аз мақомоти Олмон хоста буд, ки Дилмурод Эргашевро ба Тоҷикистон надиҳад. Сийнат Султоналиева, намояндаи созмони байнулмилалӣ, рӯзи 31-уми октябр дар баёнияе навишт, "ӯ набояд ба кишваре ронда шавад, ки хатари бо шиканҷаи ҷиддӣ дучор шуданаш ҳаст."

Беш аз даҳ сол боз гурӯҳе аз шаҳрвандони Тоҷикистон ба далели мухолифат бо режими ҳоким ва ё таъқибу азияти афзун дар кишвар, дар Аврупо, бахусус Лаҳистону Олмон, паноҳанда шуданд. Кишварҳои аврупоӣ аризаи на ҳамаи онҳоро мепазиранд.

То кунун чанд мавриди ихроҷ ва дар Тоҷикистон зиндонӣ шудани баъзе аз паноҳҷӯён расонаӣ шудааст. Мақомоти Олмон дар моҳи ноябри соли 2023 Билол Қурбоналиев, узви боздоштшудаи "Гурӯҳи 24"-ро ба Душанбе истирдод карданд. Қурбоналиев барои нақзи қоидаҳои иқомат дар Олмон дастгир шуда буд.

Ҳизбулло Шовализода, як узви ҳизби дар Тоҷикистон мамнӯи наҳзати исломӣ, соли 2020 аз Австрия ба Тоҷикистон истирдод ва ба 20 сол зиндон маҳкум шуд.

Мақомоти Олмон дар моҳи январи 2023 Абдуллоҳи Шамсиддин, писари яке аз фаъолони ҳизби дар Тоҷикистон мамнӯи наҳзати исломиро ба Душанбе фиристоданд. Ба хабари Дидбони Ҳуқуқи Башар, ӯ ба ҳафт сол зиндон маҳкум шудааст.

Ӯ дар ин бора рӯзи 31-уми октябр дар ҷаласаи Шӯрои амнияти Русия сухан гуфт. Ба қавли Медведев, бояд танҳо мутахассисон барои кору зиндагии доимӣ ба Русия даъват шаванд.

Коргарони беихтисоси хориҷӣ ҳам, ба гуфтаи ӯ, бояд то замоне дар Русия бошанд, ки ба нерӯи онҳо эҳтиёҷ ҳаст.

"Будубоши оилаи муҳоҷирон дар Русия таваҷҷӯҳи махсус металабад. Касоне, ки дар кишвари мо кор ё таҳсил намекунанд, бояд онро тарк кунанд. Дар ин ҷо нақши кордиҳанда муҳим аст, чунки онҳо ба ҷалби муҳоҷирон манфиатдоранд," – афзуд ӯ.

Медведев хостааст, ки иҷоза надиҳанд, то муҳоҷирон барои худ маҳаллаҳои хос бисозанд, зеро ба назари ӯ, ин гуна ҷомеаҳо заминаҳои густариши ифротгароиро фароҳам мекунанд.

Русия барои бисёре аз оилаҳо дар Тоҷикистон кишвари асосии кору муҳоҷират боқӣ мемонад, ҳарчанд маҳбубияти пешинаро аз даст додааст. Бинобар фишори зиёд ба онҳо, имсол муҳоҷирати кории тоҷикон ба Русия 15% дар сад камтар шуд.

Вазорат дар як изҳорот дар Телеграм навишт, 34 ҳавопаймои бесарнишин дар вилояти Курск аз байн бурда шуд. Ин шумора дар Брянск ба 20, Қрим 12, Воронеж 8, Орёл 4 ва вилояти Белгрод ба 3 баробар будааст.

Александр Богомаз, волии Брянск, гуфт, бар асари афтодани боқимондаҳои як ҳавопаймои бесарнишин ба бинои истиқоматӣ як кас захмӣ шуд.

Дар ҳамин ҳол, нерӯҳои дифои ҳавоии Украина эълом карданд, ки 31 ҳавопаймои бесарнишин ва як мушаки Русияро аз байн бурданд.

Волии Одессаи Украина гуфт, як мушаки Русия ба як истгоҳи оташнишонҳо бархӯрд ва ду касро маҷруҳ кард.

Ин ҳамлаҳо пас аз дастури артиши Исроил дар бораи холӣ кардани чанд бино сурат гирифт.

Хабаргузорӣ навишт, ки дар баробари сӯхтор даҳҳо бино ба хок яксон шуданд.

Ҳамла рӯзе баъд аз мулоқоти Бенямин Нетаняҳу, сарвазири Исроил, бо мақомоти Амрико, сурат гирифт.

Дар мулоқот созиши эҳтимолӣ дар мавриди поён додан ба ҷанг дар Лубнон баррасӣ шудааст.

Ҷамшед Шормаҳд шаҳрванди олмонӣ-эронӣ буд.

Мақомоти Ҷумҳурии Исломӣ дар бораи эъдоми ӯ рӯзи 28-уми октябр хабар доданд.

Анналена Бербок, вазири корҳои хориҷии Олмон, рӯзи 31-уми октябр гуфт, “борҳо ба таври ошкор гуфта будем, ки эъдоми як шаҳрванди Олмон оқибатҳои ҷиддӣ хоҳад дошт.”

Бинобар ин, ба гуфтаи ӯ, тасмим гирифта шудааст, ки се консулгарии Эронро дар Франкфурт, Мюнхен ва Ҳамбург бибанданд.

Бербок афзуд, пас аз эъдоми Шормаҳд равобити Олмон бо Эрон ба нуқтаи поинтарин расидааст. Олмон то кунун сафири худро барои машварат фаро хонда, кордори Эронро дар Берлин ба нишони эътироз эҳзор кардааст.

Ҷамшед Шормаҳд пас аз инқилоби исломии Эрон ба хориҷ рафта, аз тариқи телевизиони худаш ба зидди ҳукумати ин кишвар гап мезад. Ӯ раҳбари гуруҳи “Тундар” буд ва дар Лос-Анҷелоси Амрико мезист.

Мақомоти Эрон соли 2020 дар бораи боздошти Ҷамшед Шормаҳд хабар доданд, вале маълум нест ӯ чӣ гуна дар Ҷумҳурии Исломӣ пайдо шуд.

Як намояндаи пулис рӯзи 1-уми ноябр ба “Машъал”, бахши покистонии Радиои Озодӣ, гуфт, ки таркиш дар наздикии мактаби духтарона дар шаҳри Мастунг рух дод.

Вай афзуд, дар ин ҳодиса се афсари пулис захмӣ шудаанд.

Сарвазири Покистон Шаҳбоз Шариф ҳамларо маҳкум кард ва ваъда дод, ки кишварро аз ҷангҷӯён пок мекунад.

Ҳеч гурӯҳ масъулияти ҳамларо ба дӯш нагирифтааст.

Вилояти Балуҷистон дар моҳҳои охир шоҳиди ҳамла ба нерӯҳои амниятӣ ва ғайринизомиён будааст.

Ба гузориши “Тулуъ Нюс”, ин суханҳоро Мавлавӣ Абдулкабир, муовини сиёсии нахуствазири "Толибон", дар мулоқот бо намояндагони донишгоҳҳои хусусии Кобул баён доштааст.

Ӯ гуфтааст, “равобити сиёсии Имороти Исломӣ ва Тоҷикистон беҳбуд ва сафарҳои намояндагони ду тараф афзоиш ёфт”.

Мавлавӣ Абдулкабир эътироф карда, ки бо баъзе аз кишварҳои ҳамсоя мушкилу чолишҳои сиёсӣ доранд, вале аз афзоиши тиҷорат байни Тоҷикистону ҳукумати "Толибон" ситоиш намудааст.

Вокуниши мақомоти Тоҷикистон ба изҳороти Мавлавӣ Абдулкабир маълум нест.

Тоҷикистон аз замони ба қудрат баргаштани "Толибон" дар Афғонистон нисбат ба ин гурӯҳ мавзеъгирии шадид дошт ва барои оғози равобит шартҳоеро пешниҳод карда буд.

Яке аз шартҳои муҳими Тоҷикистон ташкили ҳукумати фарогир бо ҳузури намояндаҳои ҳамаи қавмҳои Афғонистон, ба вижа тоҷикон буд.

Ба иттилои ин ниҳод, гурӯҳи аввали муҳоҷиронро дар аввали соли 2025 мефиристанд.

Яке аз талаботи асосӣ донистани забони куриёӣ будааст.

Мақомоти Тоҷикистон чанд сол боз кӯшиш доранд, ки дар баробари Русия самтҳои дигари муҳоҷиратро боз кунанд.

Баъд аз оғози ҷанги Русия дар Украина ва таҳриму афзоиши фишорҳо ба муҳоҷирон, таваҷҷӯҳи корҷӯёни тоҷик ба бозори кор дар Кореяи Ҷанубӣ бештар шуд.

Муҳоҷирон мегӯянд, маош дар Корея назар ба Русия баландтар ва пулис хушмуомила аст. Тибқи ҳисобҳои гуногун беш аз 5 ҳазор муҳоҷири тоҷик дар ин кишвар кору зиндагӣ мекунанд.

Ӯ рӯзи 29-уми октябр дар нишасти вазорат гуфт, фақат имсол бештар аз 150 корманд ва афсари милисаро барои ин кор ба ҷавобгарии ҷиноӣ кашидаанд.

"Агар дар 9 моҳи соли 2023-ум 86 кормандро ба ҷавобгарӣ кашида бошанд, пас дар 9 моҳи соли 2024 теъдоди онҳо ба 160 нафар расидааст. Масалан, дар вилояти Тула амалҳои раҳбарони сатҳҳои гуногун тафтиш мешавад, ки барои иқомати бештар аз 1500 хориҷӣ иҷоза додаанд," - -афзуд Колоколтсев.

Дар Русия аксаран муҳоҷирони кориро ба иқомату кори ғайриқонунӣ гунаҳкор дониста, онҳоро пайваста озору азият медиҳанд ва ё аз кишвар меронанд.

Владимир Колоколтсев дар ин нишаст таъриф кард, ки аз соли оянда дасти кормандони милиса барои ихроҷи муҳоҷирон осонтар мешавад ва онҳо метавонанд, худашон бе иҷозаи додгоҳ, ҳар хориҷиро, ки қонунро риоят накард, аз Русия биронанд.

Наҷотдиҳандагон дохили мошин ва хонаҳоро мебинанд, чун эҳтимол меравад то ҳол одамон банд монда бошанд. Пештар қариб 70 нафарро дар болои боми як хона наҷот доданд. Мақомоти маҳаллӣ гуфтанд, беш аз ҳазор наҷотдиҳанда ба макони ҳодиса фиристода шудаанд.

Шоми 30-юми октябр дар пайи боридани борони зиёд, дар минтақаи мухтори Валенсия дар ҷанубу шарқи Испания сел омад.

Ҳамсуҳбатони хабаргузорӣ гуфтаанд, дар давоми 60 рӯзи оташбас талош мешавад, ки қатъномаи Шӯрои амнияти Созмони Милал аз соли 2006 амалӣ шавад. Бар асоси ин қатънома, гуруҳҳои мусаллаҳи берун аз назорати давлат, бояд дар ҷануби Лубнон набошанд.

Манобеи Ройтерс тасдиқ кардаанд, ки ин муқаррарот метавонад барбод равад.

Намояндагони Кохи Сафед рӯзи 31-уми октябр барои баррасии оташбас дар Лубнон, вориди Исроил шуданд.

Артиши Исроил 23-юми сентябр ба зидди “Ҳизбуллоҳ” амалиётро ба роҳ монд. Ҳадафи амалиёт нобуд кардани зербиноҳои ҷангии ин гурӯҳ ва ба ҷойи зисти доимии худ баргардонидани исроилиҳои беҷошуда гуфта шудааст.

“Ҳизбуллоҳ”-и Лубнон ҳам гурӯҳи ҷангҷӯ аст ва ҳам ҳизби сиёсӣ. Эрон аз он ҳимоят мекунад, вале Амрико созмони террористӣ медонад. Иттиҳоди Аврупо танҳо шохаи низомии онро ба рӯйхати сиёҳ дохил кардааст.

Ба гуфтаи ӯ, сабти изи ангушт ва гирифтани акс дар марз, метавонад вуруди шахсони хатарнокро барои Русия кам кунад.

Бино ба омори Горовой, соли гузашта ва аввали соли 2024, тақрибан 5 ҳазор хориҷӣ талош карданд бо маълумоти тағйирёфта вориди Русия шаванд. Манзури ин мақомдор онҳое ҳастанд, ки баъди ихроҷ бо ному насаби дигар шиноснома гирифта, талош мекунанд ба Русия раванд.

Қаблан мақомоти рус гуфта буданд, ки чунин навоварӣ аз вуруди онҳое, ки ному насабашонро иваз карда ба Русия меоянд, пешгирӣ хоҳад кард.

Феълан шаҳрвандони хориҷие, ки вориди Русия мешаванд, дар давоми як моҳ аз рӯзи вуруд ё ҳангоми дархости патент изи ангушт месупоранд.

Олег Синегубов, волии Харков гуфтааст, яке аз кушташудаҳо навраси 11-сола буд. Ин наврасро бо захмҳои вазнин аз зери харобаҳо берун овардаанд, вале ба гуфтаи волии Харков, табибон ӯро наҷот дода натавонистанд.

Наҷотдиҳандагон пораҳои як ҷасади дигарро пайдо кардаанд, ки шахсияташ то ҳол маълум нашудааст.

Артиши Русия дар ҳафтаҳои ахир вилояти Харковро ҳадаф гирифтааст. Шаби 28-уми октябр дар ҳамлаи артиши Русия ба Харков, чор нафар кушта шуда буд.

Саттор Ҳошимӣ, вазири иртибототи Эрон, дар саҳифааш дар шабакаи “X” (Твиттери собиқ) навишт, ки онҳо ба зудӣ муқаррароти навро дар бораи воридоти телефонҳои iPhone эълон хоҳанд кард.

Ӯ дар ин бора ҷузъиёт надод, аммо гуфт, ки ин иқдом ба хотири ҳимоят аз Масъуд Пизишкиён, раисҷумҳури Эрон, сурат гирифтааст.

Давлати Эрон, ки ба далели таҳримҳои байнулмилалӣ ба вазъи бади иқтисодӣ дучор шудааст, бо ҳадафи маҳдуд кардани харҷи асъор дар моҳи феврали соли 2023 воридот ва хариди телефонҳои iPhone 14 ва 15-ро мамнуъ эълон карда буд.

Интихобот рӯзи 26-уми октябр гузашт. "Орзуи гурҷӣ", ҳизби ҳокими тарафдори Русия, пирӯз эълон шуд, вале президент Саломе Зурабишвили ва намояндагони мухолифон интихоботро олуда ба тақаллуб хонда, натиҷаҳоро напазируфтанд.

Муфаттишон рӯзи 30-юми октябр раисҷумҳури Гурҷистон Саломе Зурабишвилиро барои баёнот додан даъват кардаанд.

Додситонии кул дар изҳороте гуфтааст, ҳамаи онҳое, ки метавонанд дар бораи тақаллубу қонуншиканӣ маълумот дошта бошанд, дар доираи тафтишот пурсида хоҳанд шуд. Дар идома ваъда шудааст, ки мардумро давра ба давра аз натиҷаи тафтишот хабардор мекунанд.

То кунун чанд кишвари ғарбӣ, аз ҷумла Амрико, Канада ва Шветсия, интихоботи порлумониро дар Гурҷистон танқид карда, ҳазорҳо норозӣ дар Тбилисӣ ба хиёбонҳо баромаданд.

Ҷасади ӯро рӯзи 29-уми октябр дар осоишгоҳи боҳашамати “Shou Sugi Ban House” дар Ню-Йорк ёфтаанд.

Намояндагони полис ба матбуоти маҳаллӣ гуфтаанд, ҷасади зани ҷавон бо осори захми зиёд ошкор шуд. Ҳарчанд таҳқиқ оғоз ёфтааст, ҳанӯз ҳеч кас боздошт ё гумонзад нашудааст.

Оилаи Сабина дар изҳороти мухтасари матуботӣ навиштааст, ки ӯ фарзанди сеюм ва дӯстдоштаи оилаашон буд. Онҳо аз ҷомеаву сохторҳои қудратӣ хостаанд, ки барои таҳқиқи қазияи марги мармузи духтарашон мусоидат кунанд.

Сабина, ки бо насаби Росас ҳам маъруф аст, зодаи Тоҷикистон буд ва солҳои охир дар минтақаи Брукилини Ню-Йорк мезист. Ӯ дар доираи тарҳи иҷтимоии “Руъё” ба муаррифии фарҳангу ҳунари Осиёи Марказӣ маъруф буд.

Аниса Собирӣ, коргардони тоҷики муқими Лондон, рӯзи 30-юми октябр ба Радиои Озодӣ гуфт, марги Сабина “талафоти азиме барои фарҳанги Осиёи Марказӣ аст. Ӯ фарҳангу ҳунарро бисёр дастгирӣ мекард ва тарҳҳои зиёде дар нақша дошт”.

Нашрияи бритониёии "The Independent" бо такя ба пулис хабар додааст, ки гумонбар дар куштори мармузи Сабина, баъди ҳодиса ба эҳтимоли зиёд худкушӣ кардааст. Аз ӯ Томас Гэннон ном бурда шудааст, ки 56 сол дошта, ба иттилои пулис дар хонаи худ, дар аёлати Пенсилвания, худкушӣ кардааст.

Ҳаррис ин суханонро рӯзи 29-уми октябр дар гирдиҳамоии ҷонибдоронаш дар назди Кохи Сафед баён дошт.

Ӯ ваъда дод, ки “раисҷумҳури тамоми амрикоиҳо” хоҳад буд.

Созмондиҳандагонаш гуфтанд, ки дар гирдиҳамоӣ ҳудуди 75 ҳазор кас ширкат дошт, вале ин рақам аз тарафи пулис ва нозирони мустақил таъйид нашудааст.

Бино ба гузоришҳо, ҷонибдорони Ҳаррис дар боғе ҷамъ омаданд, ки чаҳор сол пеш Доналд Трамп суханронӣ карда буд.

Рӯзи 6-уми январи соли 2021 тарафдорони Трамп ба бинои Капитолий ҳамла карданд, то монеи тасдиқи пирӯзии Ҷо Байден дар интихобот шаванд.

Интихоботи президентии Амрико рӯзи 5-уми ноябр баргузор хоҳад шуд.

Изҳори нигаронии Иёлоти Муттаҳида аз он аст, ки Русия ин сарбозонро ба зидди Украина истифода хоҳад кард.

Генерал Пэт Райдер, сухангӯйи Пентагон, гуфт, нишонаҳое ҳастанд, ки шумораи ками онҳо аллакай дар вилояти Курск ҷойгир шудаанд. "Ду ҳазор нафари дигар ба он ҷо наздик шудаанд ё ба зудӣ мерасанд," -- афзуд ӯ.

Райдер ба хабарнигорон гуфт, Пентагон барои тасдиқи гузоришҳо дар бораи ҳузури нерӯҳои Куриёи Шимолӣ дар хоки Украина ҳеч иттилоъ надорад.

Ҷо Байден, раисҷумҳури Амрико, гуфт, аз будани низомиёни Куриёи Шимолӣ дар вилояти Курски Русия нигарон аст. Вай хост, дар сурати убури сарбозони Куриёи Шимолӣ ба Украина, нерӯҳои Украина бояд посух гӯянд.