Luljeta Krasniqi-Veseli

Migrimi i (pa)ligjshëm

Privatizimi i KEK-ut, brenda vitit

Në muajin mars pritet të bëhet shpallja e interesit për privatizimin e kompanisë së re të shpërndarjes dhe të furnizimit, të dalë nga Korporata Energjetike e Kosovës, ndërsa në qershor do të bëhet kërkesa për propozim për investitorët, të cilët do të hyjnë në listën e ngushtë. Kurse, në fund të vitit pritet të përzgjidhet investitori, konfirmuan përfaqësues të Komitetit ndërministror për privatizimin e kësaj ndërmarrjeje.

Veriu ende pa doganierë kosovarë

Pavarësisht moskthimit të doganierëve kosovarë në pikat kufitare në Leposaviq dhe në Zubin-Potok, të njohura si Pika 1 dhe 31, përfaqësues të misionit EULEX dhe të Doganave të Kosovës, thonë se janë shënuar suksese të mëdha në luftimin e kontrabandës. Sipas tyre, është arritur të zvogëlohet kontrabanda deri në 60 për qind.

Rehabilitimi i viktimave - sfidë për institucionet

Përfaqësues të institucioneve vendore dhe ndërkombëtare, vlerësojnë se në Kosovë po përmbushen standardet për kujdesin ndaj viktimave të trafikimit. Sipas tyre, institucionet vendore në bashkëpunim me mekanizmat ndërkombëtarë, kanë shënuar suksese të vazhdueshme në rehabilitimin e viktimave dhe integrimin e tyre në shoqëri.

Kosova ende e rrezikuar nga minat

Ndonëse kanë kaluar njëmbëdhjetë vjet nga mbarimi i luftës, mjetet e pashpërthyera ende paraqesin rrezik për qytetarët. Familjarët e viktimave të minave apelojnë tek autoritetet vendore e ndërkombëtare të bëjnë më shumë në këtë drejtim.

Të mos privatizohet Trepça

Vendimi për përjashtimin e mundësisë së privatizimit të kompleksit industrial “Trepça”, është vlerësuar i drejtë nga ana e zyrtarëve të kompanisë, kjo për faktin që, siç thonë ata, kompania aktualisht është duke punuar mirë. Megjithatë, ekspertë të elektro-energjetikës vlerësojnë se kapacitetet financiare të Kosovës janë shumë të vogla për rimëkëmbjen e gjigantit metalurgjik të Kosovës.

Regjistrimi dhe pakicat

Përfaqësues të institucioneve vendore dhe ndërkombëtare, vlerësojnë se do të ketë një pjesëmarrje të kënaqshme të komunitetin serb në procesin e regjistrimit të popullsisë, ekonomive familjare dhe banesave në Kosovë, që pritet të fillojë në prill të vitit 2011. Ata thonë se janë duke u munduar të krijojnë një klimë të mirë për pjesëmarrje sa më të madhe të komunitetit serb në këtë proces, përfshirë këtu edhe serbët në pjesën veriore të Mitrovicës.

Kur do të nisë ndërtimi i autostradës?

Zyrtarë nga Ministria e Transportit thonë se po negociojnë me kompaninë “Bechtel & Enka”, për detajet e nisjes së punimeve për ndërtimin e autostradës Vërmicë-Prishtinë-Merdar.

Zero transparencë në përcaktimin e buxhetit

Mungesa e transparencës gjatë planifikimit dhe ndarjes së buxhetit për vitet fiskale, është faktor i pranishëm në të gjitha planifikimet buxhetore të qeverive të Kosovës që nga paslufta, vlerësojnë analistë të çështjeve ekonomike dhe përfaqësues të shoqërisë civile. Ata thonë se në Kosovë duhet të kuptohet se kush është pronar i parasë publike.

Favorizimi i prodhimeve

Produktet vendore kanë përparësi në përzgjedhjen që bëjnë qytetarët e Kosovës, gjatë furnizimit javor apo mujor me ushqime. Ata thonë se i zgjedhin produktet vendore për të kontribuuar në zhvillimin ekonomik të vendit. Megjithatë, të dhënat e Entit të Statistikave të Kosovës tregojnë se shkalla e lartë e importit mbetet shumë më e lartë sesa eksporti.

Malli i dyshimtë, sërish në qarkullim

Analizat e lëngjeve të prodhuara në Serbi, që u konsideruan të dyshimta, kanë rezultuar të rregullta dhe është lejuar qarkullimi i tyre në tregun kosovar, bëjnë të ditur zyrtarë të Agjencisë së Veterinës dhe Ushqimit të Kosovës.

Borxhet për projektet madhore

Njohësit e çështjeve ekonomike thonë se nuk ka shumë alternativa për të pasur zhvillim të qëndrueshëm ekonomik në Kosovë, pa hyrë në borxhe të jashtme. Por, megjithatë, ata thonë se duhet pasur kujdes me shumën e borxheve, në mënyrë që të mos ngarkohet së tepërmi shteti.

Koncesioni pro e kontra

Dhënien me koncesion të Aeroportit Ndërkombëtar të Prishtinës analistë të çështjeve ekonomike e vlerësojnë si një proces pozitiv për zhvillimin ekonomik të vendit. Megjithatë, ekspertët në lëmin e koncesioneve thonë se dhënia në koncesion e kompanive publike, mund të jetë zgjidhje e ngutshme e autoriteteve kosovare.

(S')do të ketë rënie ekonomike më 2010

Po qe se nuk kalohet limiti i parashikuar me ligj, borxhet, të cilat i merr Kosova nga jashtë, do t’i kontribuojnë zhvillimit afatgjatë ekonomik të vendit, thanë përfaqësues të Bankës Qendrore të Kosovës. Gjatë një konference për media, ata folën edhe për zhvillimet ekonomike në Kosovë gjatë vitit 2009, duke i vlerësuar si zhvillime pozitive.

Në kujtim të Holokaustit

Gjatë Luftës së Dytë Botërore, shumë shqiptarë në Kosovë dhe në Shqipëri kanë strehuar dhe mbrojtur hebrenj. Në mesin e tyre, familja Rezniqi në Kosovë, e cila sot jeton në Prishtinë, është shumë e njohur për rolin që ka luajtur në këtë aspekt.

“Trepça” – gjiganti i së kaluarës?

Autoritetet kosovare dhe ekspertët për energjetikë thonë se kompania dikur më e madhe metalurgjike e Kosovës, “Trepça”, s'mund t'i ketë kapacitetet prodhuese si në vitet e 80-ta. Disa prej tyre thonë se privatizimi i "Trepçës" mund të jetë mënyra më e mirë për rimëkëmbjen e saj.

Projekti “Kosova e Re”, i prolonguar

Konferenca ndërkombëtare për termocentralin "Kosova e Re", që po mbahet në Prishtinë, sipas ekspertëve të energjetikës dhe ish-projektuesve të planeve të ndërtimit të tij, vlerësohet si një hap pozitiv për nxitjen e investitorëve të huaj për këtë projekt. Megjithatë, ata thonë se i tërë projekti është prolonguar, nuk ka qenë transparent dhe, rrjedhimisht, konferenca nuk ka arritur efektin e duhur.

A mund të rritet kostoja e autostradës?

Ekspertët e ndërtimtarisë vlerësojnë se vlera prej 7.5 deri në 8 milionë euro për kilometër, për ndërtimin e autostradës Vërmicë - Prishtinë - Merdare, mund të jetë e arsyeshme, nëse në të është përfshirë edhe ndërtimi i të gjitha objekteve përcjellëse. Megjithatë, disa prej tyre kanë dilema për procesin dhe janë skeptikë në lidhje me skemën financiare për ndërtimin e kësaj autostrade.

"Bechtel&Enka", ofertuesi më i mirë për autostradën

Kompania amerikano-turke “Bechtel&Enka” është shpallur ofertuesi më i mirë për ndërtimin e autostradës Vërmicë - Prishtinë - Merdare. Vendimi është marrë në mbledhjen e sotme të Qeverisë së Kosovës.

Kosova e (pa)sigurt për investime

Në një raport të Bankës Botërore për vitin 2010, Kosova është radhitur e 172-ta, sa i përket mbrojtjes së investitorëve, nga 183 shtete sa janë hulumtuar. Zyrtarë kosovarë thonë se Kosova realisht nuk është në nivelin që e ka radhitur Banka Botërore, sa i përket mbrojtjes së investitorëve, por pranojnë se investimet e huaja të drejtpërdrejta në Kosovë kanë shënuar rënie për rreth 45 milionë euro gjatë vitit 2009, krahasuar me një vit më parë.