Nisi pa mjete e pa përvojë, sot sipërmarrës i suksesshëm

Valon Kuqica është një i ri nga Drenasi - pjesa qendrore e Kosovës - që me “dashuri për punën dhe seriozitet” thotë se krijoi një biznes të suksesshëm për shitjen e pemëve dhe perimeve. Në vitin 2018, kur Radio Evropa e Lirë e intervistoi për herë të parë, ai kishte një automjet dhe një magazinë të vogël. Sot ka të hapur një dyqan, furnizon një rrjet të gjerë biznesesh të tjera dhe synon të eksportojë edhe jashtë Kosovës.