Ibrahim Berisha është kameraman dhe montazhier i Radios Evropa e Lirë në Prishtinë.
Zbulimet e një mbishkrimi të ri në dyshemenë e katedrales, saktësuan vitin kur u inaugurua katedralja dhe emrin e qytetit romak ku ajo u ndërtua – Justiniana Secunda.
Ndihmësdrejtori i Zyrës për Kosovën në Qeverinë e Serbisë, Igor Popoviq, u dënua me gjobë prej 3.000 eurosh dhe me dëbim nga Kosova për dy vjet. Dënimi me gjashtë muaj burgim iu zëvendësua me gjobë, pasi ai e pranoi fajësinë në një marrëveshje me Prokurorinë Speciale të Kosovës.
Radio Televizioni i Kosovës po përballet me mungesë fondesh pasi si pasojë e krizës politike, ende nuk i është transferuar gjysma e fondeve nga buxheti i shtetit.
Pesë javë pas vënies së gur themelit nga kryeministri Albin Kurti dhe bashkëpunëtorët e tij, njëra nga dy urat e reja që po ndërtohen mbi lumin Ibër që ndanë Mitrovicën e Jugut me Mitrovicën e Veriut, ka marrë formë të dukshme.
Forca e Sigurisë së Kosovës, me autorizim të KFOR-it, u dislokua në veri për të ndihmuar në gjetjen e trupit të një 33-vjeçari, që dyshohet se u kërceu nga njëra prej urave në Liqenin e Ujmanit. Trupi u gjet vetëm disa orë pas nisjes së operacionit të kërkim-shpëtimit.
Në Kishnicë, afër Prishtinës, një grua 51-vjeçare ka rindërtuar jetën e saj nga dhembja – përmes punimit të tokës. Pas humbjes së bashkëshortit dhe tre vjetëve izolimi, Shqipe Gashi sot gjen kuptim dhe forcë mes serrave të mbushura me speca, domate e tranguj.
Deklaratat e zyrtarit serb, Igor Popoviq, në përvjetorin e vrasjes së disa serbëve dhe romëve në Hoqë të Madhe sollën pasoja të menjëhershme. Ai u arrestua në kufi me Serbinë dhe u dërgua në paraburgim për 30 ditë, pasi autoritetet e Kosovës e akuzuan për nxitje të urrejtjes dhe të përçarjes etnike.
Prej më shumë se gjysmë shekulli, shumë ndërtesa në qendër të Prishtinës mbeten të mbuluara me çati që përmbajnë azbest, një material i njohur për rrezikun që paraqet për shëndetin. Edhe pse i ndaluar në shumë vende të botës, në Kosovë ai vazhdon të jetë i pranishëm në infrastrukturë.
Pesë zyrtarë të Policisë së Kosovës u paraqitën para Gjykatës në Lipjan, të mërkurën, nën dyshimin për përfshirje në ndërhyrjen që përfundoi me vdekjen e 27-vjeçarit Agon Zejnullahu.
Qeveria në detyrë e Kosovës ka vendosur gur themelin për ndërtimin e dy urave të reja mbi lumin Ibër, që ndan Mitrovicën e Jugut me atë të Veriut, njërën për këmbësorë dhe tjetrën për automjete.
Kosova, sikurse edhe vendet e tjera të rajonit, ditëve të fundit po përballet me temperatura të larta. Institucionet shëndetësore u kanë bërë thirrje qytetarëve që të shmangin daljet në kohët më të nxehta të ditës, teksa temperaturat janë afër 40 gradë Celsius.
Një çerekshekull pas luftës, Kosova ende përballet me sfidën e mbrojtjes së dinjitetit të të mbijetuarve të përdhunimeve. Sot (19 qershor), në Ditën Ndërkombëtare për Eliminimin e Dhunës Seksuale në Konflikte, mbështetja për viktimat mbetet e vonuar, drejtësia e rrallë, ndërsa plagët ende të hapura.
Çdo 27 prill, Mira Krasniqi sheh tre djemtë e saj me lule në duar dhe nuk ka si t’i përgjigjet pyetjes së përsëritur: “Ku t’i vendosim?”
Austria ka shpallur tri ditë zie pas sulmit të armatosur në një shkollë në qytetin e Gracit, ku një 21-vjeçar vrau dhjetë persona, e më pas edhe veten.
Policët e Kosovës, Alban Rashiti dhe Çlirim Shaqiri kanë dëshmuar në rastin gjyqësor të njohur si “Banjska”, ku Bllagoje Spasojeviq, Vlladimir Tolliq dhe Dushan Maksimoviq akuzohen për terrorizëm. Në mesin e 45 personave që janë në kërkim nga autoritetet e Kosovës për sulmin, është Millan Radoiçiq
Rreth 15 familje serbe në Leshak, në veri të Kosovës, janë urdhëruar që t’i shembin ndërtimet pa leje nga tokat që janë pronë e Ministrisë së Punëve të Brendshme të Kosovës. Banorët kërkojnë legalizim të pronave dhe thonë se nuk ikin nga përgjegjësitë.
Trupi gjykues i Gjykatës Themelore në Prishtinë e aprovoi të mërkurën kërkesën e mbrojtjes që Naim Murseli t’i nënshtrohet një ekzaminimi psikik, para se të vazhdojë procesi gjyqësor ndaj tij dhe dy të akuzuarve të tjerë për vrasjen e Liridona Ademajt, bashkëshortes së Murselit.
Kompani të shumta në Kosovë protestuan në Prishtinë më 29 maj kundër liberalizimit të tregut të energjisë, i cili hyn në fuqi më 1 qershor.
Përfaqësues të bizneseve kanë bllokuar hyrjet në kryeqytetin e Kosovës, në shenjë proteste për liberalizimin e tregut të energjisë, që do të nisë më 1 qershor.
Kosova po përballet me një ndarje të dukshme në tregun e punës: ndërsa fabrikat dhe kompanitë e ndërtimit kanë më pak punëtorë, sektori i teknologjisë së informacionit dhe komunikimit (TIK) po tërheq dhe mban të rinjtë brenda vendit.
Shfaq më shumë
