Pengjet izraelite lirohen, Trump dhe liderët botërorë nënshkruajnë planin për paqe në Gazë

Hamasi e konfirmon se i ka dorëzuar shtatë pengjet e para.

Më vonë gjatë ditës pritet të lirohen 13 pengjet tjera të gjalla, plus 28 pengje tjera izraelite – 26 tashmë të vdekur dhe fati i dy të tjerëve nuk dihet.

Armëpushimi dhe këmbimi i pengjeve dhe të burgosurve ndodh pas dy vjetësh luftë që është zgjeruar në konflikt rajonal – me përfshirje të Iranit, Jemanit dhe Libanit – dhe i cili ekspertët besojnë se e ka riformësuar Lindjen e Mesme.

Përshëndetje të nderuar lexues,

Po e nisim këtu raportimin në kohë reale mbi zhvillimet në Lindje të Mesme, ku pritet të bëhen hapat e parë drejt paqes në konfliktin mes Izraelit dhe palestinezëve.

Shumë shpejt pritet të nisë dorëzimi i pengjeve izraelite nga ana e Hamasit – grup palestinez i shpallur terrorist nga Shtetet e Bashkuara dhe fuqi tjera.

Në këmbim, Izraeli do t’i lirojë mijëra palestinezë që mban në burgjet e veta.

Gjatë ditës rajonin e viziton presidenti amerikan, Donald Trump i cili e ka ndërmjetësuar marrëveshjen për dhënien fund të konfliktit në Gazë.

Qëndroni me ne!