Biseda për luftën: Në Rusi “sikur në Korenë e Veriut”
Çfarë ndodh kur vullnetari lituanez, Tomas, thërret rusë të rëndomtë, për të folur me ta për luftën në Ukrainë? “Këtu është sikur në Korenë e Veriut”, thotë njëri. Të tjerët përsërisin propagandat e Kremlinit. Shumica e mbyllin telefonin. Tomasi është pjesë e një iniciative që ka realizuar 93,000 thirrje, për të sfiduar rrëfimin për luftën që rusëve të zakonshëm po iu paraqitet nga televizioni shtetëror.
Konfirmohet plagosja e pesë personave në Lviv
Të paktën pesë persona u plagosën të shtunën në dy sulme në qytetin perëndimor të Ukrainës, Lviv, njoftuan autoritetet lokale të këtij qyteti.
“Ndodhën dy sulme me raketa brenda Lvivit”, tha guvernatori rajonal Maksym Kozytsky.
Ai po ashtu konfirmoi se plagosjen e pesë personave, raporton AFP.
Autoritetet ukrainase raportojnë se cak i sulmit ka qenë një rafineri e naftës.
Pamjet e para të sulmit ajror në Lviv
Këto janë fotografitë e para që sjell agjencia Reuters për sulmin ajror rus në qytetin perëndimor të Ukrainës, Lviv.
Ky qytet ndodhet shumë pranë Polonisë, shtet anëtar i NATO-s.
Në Poloni po qëndron për vizitë presidenti i SHBA-së, Joe Biden.
Biden e quan Putinin 'kasap'
Presidenti i Shteteve të Bashkuara të Amerikës, Joe Biden e quajti “kasap” presidentin rus Vladimir Putin. Këto komente Biden i bëri pas vizitës që iu bëri refugjatëve ukrainas në Varshavë të Poloni, të shtunën.
Biden u pyet nga gazetarët se çfarë po i shkonte në mendje pas vizitës që iu bëri refugjatëve ukrainas, Biden u përgjigj: "Ai [Putin] është një kasap".
Gjatë paraqitjes së shkurtër para gazetarëve në Stadion Narodowy, Biden tha se ka qenë në vende të tilla gjatë jetës së tij, por tha se ishte gjithmonë i befasuar nga “thellësia dhe forca e shpirtit njerëzor”.
“Secili nga ata fëmijë tha diçka me kuptimin: “Thuaj një lutje për babin tim, gjyshin tim ose vëllain tim që është kthyer atje [në Ukrainë] duke luftuar”, u shpreh presidenti Biden.
