Raportohet për shpërthime në Lviv
Para pak çastesh është raportuar për tri shpërthime të fuqishme në qytetin e Lvivit në Ukrainë.
BBC ka postuar një fotografi në të cilën shihet tym në disa lokacione.
Presidenti i SHBA-së, Joe Biden ndodhet në Varshavë të Polonisë, qytet ky që ndodhet rreth 400 kilometra nga Lvivi.
Kryebashkiaku i Kievit anulon shtetrrethimin e së dielës
Kryetari i bashkisë së kryeqytetit të Ukrainës, Kiev, të shtunën anuloi një shtetrrethim që ai kishte shpallur vetëm disa orë më parë për të nesërmen pa dhënë shpjegime të mëtejshme.
“Informacion i ri nga komanda ushtarake: shtetrrethimi i Kievit nuk do të hyjë në fuqi nesër”, njoftoi kryebashkiaku, Vitali Klitschko në Telegram.
Orari i zakonshëm brenda natës nga ora 20:00 deri në 07:00 të mëngjesit do të mbahet, por njerëzit do të "mund të lëvizin lirshëm nëpër Kiev të dielën gjatë ditës", shtoi ai.
Të shtunën në mëngjes, Klitschko kishte thënë se një shtetrrethimi i ri do të vendosej në kryeqytet nga mbrëmja e së shtunës deri të hënën në mëngjes.
Presidenti polak mirëpret Biden në Varshavë
Presidenti polak, Andrzej Duda mirëpriti presidentin amerikan Joe Biden në pallatin presidencial në Varshavë të shtunën (26 mars), ku të dy do të zhvillojnë bisedime rreth pushtimit rus të Ukrainës.
Sekretari amerikan i Shtetit, Anthony Blinken dhe sekretari i Mbrojtjes, Lloyd Austin iu bashkuan Bidenit në pallatin presidencial.
Delegacioni polak përfshinte ministrin e Jashtëm, Zbignieë Rau dhe ministrin e Mbrojtjes, Mariusz Blaszczak.
Më herët, Biden mori pjesë në një ceremoni pritjeje në kryeqytet, ku u përshëndet nga një bandë ushtarake që luante himnet kombëtare të SHBA-së dhe Polonisë.
Rusët hyjnë në qytetin Sllavutiç në Ukrainë
Guvernatori i rajonit të Kievit ka thënë se forcat ruse kanë hyrë në qytetin e Sllavutiçit dhe kanë kapur një spital atje.
Sllavutiçi ndodhet në veri të Kievit dhe në perëndim të Hernihivit, jashtë zonës së përjashtimit që u krijua rreth termocentralit bërthamor të Çernobilit pas fatkeqësisë së vitit 1986.
Guvernatori tha se banorët e Sllavutiçit dolën në rrugë me flamuj ukrainas për të protestuar kundër pushtimit rus.