Kryediplomati grek dëshiron të udhëheqë misionin e ndihmës për Mariupolin
Ministri i Jashtëm i Greqisë, Nikos Dendias, ka propozuar që të udhëheqë një mision për ndihmë humanitare në qytetin e rrethuar ukrainas të Mariupolit.
Dendias tha në një konferencë për media në Athinë më 22 mars se për të nderuar Manolis Androulakis, diplomatin e fundit evropian që u largua nga Mariupoli, ai kishte vendosur kontakte me kreun e Komitetit Ndërkombëtar të Kryqit të Kuq për të koordinuar përpjekjet për dërgimin e ndihmës.
“I kam dërguar një notë verbale palës ukrainase duke kërkuar për lehtësim të dërgimit të ndihmës humanitare në Mariupol dhe një tjetër notë verbale palës ruse duke i kërkuar që të mos pengojë këto përpjekje”, tha ai. “Planifikoj që vet të marr pjesë në dërgimin e kësaj ndihme”.
Androulakis, ishte konsull i përgjithshëm i Greqisë në Mariupol, ku shumë marinarë grekë po ashtu ishin të bllokuar për shkak të luftimeve dhe u deshën gjashtë operacione të evakuimit për t’i larguar ata nga qyteti.
Gazetarja ukrainase lirohet pasi lavdëroi rusët
Forcat ruse kanë liruar gazetaren, Viktoriya Roshchyna, pasi i kanë “bërë presion” që përmes një videoje të lavdërojë ata për shpëtimin e jetës, raportoi agjencia ukrainase, Ukrayinska Pravda.
Mediat pro ruse dhe kanalet në Telegram kanë publikuar një video ku shihet gazetarja ukrainase Roshchyna duke thënë se trupat ruse ia kanë shpëtuar jetën dhe e kanë trajtuar mirë në kohën sa ka qenë nën arrestim.
Sipas Ukrayinska Pravda, gazetarja tani është nisur për në Zaporizhja, në juglindje të Ukrainës.
Që prej fillimit të pushtimit rus dhe para se të kapej nga forcat ruse, Roshchyna ka raportuar nga zonat në lindje dhe në jug të Ukrainës.
Sa refugjatë ukrainas kanë hyrë në Ballkanin Perëndimor?
Sipas të dhënave, mbi 3.5 milionë persona janë larguar nga Ukraina që prej fillimit të luftës.
Në infografikën e mëposhtme mund të mësoni se sa ukrainas janë strehuar në shtetet e Ballkanit Perëndimor:
Sa refugjatë ukrainas kanë hyrë në Ballkanin Perëndimor?
Sulmet ruse ndaj zonave civile
Imazhet e fundit satelitore zbulojnë dëme të mëdha nga sulmet e ushtrisë ruse në zonat e banuara në dhe përreth disa qyteteve të Ukrainës: Çernihiv, Mariupol dhe Kiev.
Pamje satelitore të sulmeve ruse në zonat civile