Të dashur lexues, këtu e mbyllim mbulimin e drejtpërdrejtë të ceremonisë së inaugurimit të presidentit të 47-të të Shteteve të Bashkuara, Donald Trump.
Faleminderit që përcollët Radion Evropa e Lirë.
Largimi i Bidenit nga Uashingtoni
Pas betimit të presidentit të ri amerikan, Donald Trump, paraardhësi i tij, Joe Biden, me bashkëshorten Jill u larguan nga Uashingtoni.
Ata fluturuan me helikopter drejt bazës Saint Andrews, prej nga do të shkojnë në Kaliforni.
Biden i porositi amerikanët që “të kujdesen për njëri-tjetrin”.
Çfarë do të thotë Presidenca e dytë e Trumpit për BE-në dhe NATO-n?
Në këtë video flitet për tri fushat e veçanta ku do të testohet marrëdhënia transatlantike Uashington-Bruksel:
Von der Leyen: BE-ja pret të punojë nga afër me Trumpin
Presidentja e Komisionit Evropian, Ursula von der Leyen, e uroi Donald Trumpin për mandatin e dytë presidencial.
"BE-ja pret të punojë nga afër me ju për të trajtuar sfidat globale. Së bashku, shoqëritë tona mund të arrijnë prosperitet më të madh dhe të forcojnë sigurinë e tyre të përbashkët", shkroi von der Leyen në platformën X.
