د افغانستان د انتخاباتي شکایتونو کمیسیون وايي چې تر اوسه پورې د ولسي جرګې د انتخاباتو په اړه چې د شنبې په ورځ ترسره شول په لسګونو شکایتونه ترلاسه کړي دي او دا مهال هڅه کیږي چې دغه ټول شکایتونه وڅیړل شي
کابل ښاروالۍ د ولسي جرګې د انتخاباتو له کاندیدانو غوښتي چې ژر تر ژره دې له کابل ښار نه خپل عکسونه او پوسټرونه را ټول کړي. د کابل ښاروالي چارواکي وايي، د انتخاباتو له تیرېدو وروسته اوس باید دغه عکسونه او پوسټرونه چې د ښار بڼې ته یې تغییر ورکړی له منځه ولاړ شي.
د سويلي حوزې په درېو ولايتونو کندهار زابل او ارزګان کې هم د ولسي جرګې انتخابات چې د سهار په اوو بجو پيل شوي وه د مازيګر په پوره څلور بجو پای ته ورسېده.
د افغانستان حکومتي چارواکي وايي چې د ولسي جرګې انتخابات په یوې خوندي فضا کې ترسره شول او کومې امنیتي ستونزې چې رامنځته شوې هغه د هغو په پرتله ډيرې کمې وي چې دوی یی آټکل کړی وه.
د افغانستان د ولسي جرګې انتخابات چې په ټول افغانستان کې د سهار په اوو بجو پیل شوي و، د مازدیګر په څلورو بجو پای ته ورسېدل . ویل کیږي چې په دې انتخاباتو کې به، څه باندې لس میلیونو د شرایطو وړو خلکو ګډون کړی وي.
د افغانستان د انتخاباتو خپلواک کمیسیون هغه راپورونه رد کړل، چې ویل کیږي، د راېو په ځینو مرکزونو او محلونو کې د ګوټو لپاره ځانګړی شوی رنګ پاکیږي. د انتخاباتو د خپلواک کمیسیون د دالارانشان مرستیال ذکریا بارکزي وویل، چې دغه رنګ باکیفیته دی او په اسانی له ګوتو نه پاکیږي.
په هلمند کې د ېوې کانديدې له لور سره پنځلس سوه جعلي کارتونه چې غوښتل يي د خپل مور په نفعه يي وکاروي امنيتي ځواکونو نيولي دي. د هلمند د والي وياند داود احمدي وايي دغه کارتونونه ولسي جرګي د ېو کانديدې حبيبې سعادت له لور سره نيول شوي دي او هغې غوښتل دغه کارتونه د خپل مور په ګټه وکاروي.
د ازادۍ راډیو خبریال چې د سرپل په ولایت کې د رایو ورکولو یوه مرکز ته تللی او د رایو ورکولو روانې چارې له نږدې څاري وایي چې، خلک په پوره نظم سره د رايي ورکولو مرکزونو ته ځي او د خپلې خوښې کاندید ته رايي اچوي
د افغانستان د ولسي جرګې انتخابات، په ټول هېواد کې د شنبې د ورځې د سهار له اووبجو راهیسي پیل شوي دي، د انتخاباتو خپلواک کمیسیون وایي چې د دې بهیر څارلو ته له یولکو څخه زیات کورني او بهرني څارونکي ګمارل شوي دي.
په کندز ولایت کې چارواکي وايي، چې په دغه ولایت کې د انتخاباتو لپاره د رايې اچونې پروسه له کومې ستونزې پرته پیل شوه.
د ولسي جرګې د انتخاباتو لپاره د رایې اچونې بهیر نن سهار په اوو بجو په ټول افغانستان کې پیل شو، دغه بهیر په کابل کې هم د حبیبې له لیسې څخه په داسې حال کې پیل شو، چې د انتخاباتو د خپلواک کمیسیون رييس فضل احمد معنوي هم حاضر و.
د افغانستان په مرکز او ولایتونو کې د شدېدو امنیتي تدابیرو په لړ کې د ولسي جرګې انتخابات نن سهار له اوو بجو راهیسې پیل شوي دي. د انتخاباتو د پیل په لومړېو شېبو کې د راېو په مرکزونو کې د خلکو ګډون د ګوتو په شمېر لیدل کېده.
نور راوښيه
