د افغانستان د ټاکنو خپلواک کمېسیون وایي، نن تر ماښامه پورې به د ولسمشریزو ټاکنو د ترسره کېدو لپاره چمتووالی پای ومومي.
د ولسمشریزو ټاکنو په ورځ به د هېواد په بېلابېلو ولایتونو کې سلګونه مرکزونه د ناامنیو او نورو عواملو له امله تړلي وي چې له امله به یې له نیم میليون زیات کسان د رأیې ورکونې له حقه بې برخې پاتې شي.
د ټاکنو خپلواک کمېسيون، پرون د سپټمبر په ۲۶مه ازادي راډیو ته وویل چې د انتخاباتو ترسره کولو ته تیار دی.
د افغانستان د ټاکنیزو شکایتونو کمېسیون وايي، د چوپتیا یا سکوت په دوره کې د کمپاین په توګه له هر ډول وسیلې کار اخیستل له انتخاباتي قانونه سرغړونه ده.
د افغانستان د ټاکنو د خپلواک کمېسیون د مهالوېش پر اساس د ولسمشرۍ د نوماندانو ترمنځ ټاکنیزې سیالۍ دوه میاشتې وړاندې د اسد په شپږمه پیل شوې وې.
د افغانستان د انتخاباتو خپلواک کمېسیون وايي، د شنبې ورځې ولسمشریزو انتخاباتو ته یې چمتوالی بشپړ کړی دی. بلخوا د افغانستان امنیتي ادارې د ټاکنو ورځې ته د بشپړو امنیتي تدابیرو ډاډ ورکوي.
په افغانستان کې د میزان شپږمې ولسمشریزو ټاکنو لپاره د کمپاین دوه میاشتنۍ موده نن پای ته رسېږي. د افغانستان د ټاکنو قانون له مخې ټاکنیز کمپاین باید د انتخاباتو له ورځې ۴۸ ساعته وړاندې ودرول شي.
د افغانستان د شفافو انتخاباتو بنسټ ټیفا وايي، د نا امنیو له امله به د کورنیو بېځایه شویو به ګډون له ۶۰ سلنې زیات خلک د ولسمشرۍ په راروانو انتخاباتو کې له رأیې ورکونې محروم پاتې شي.
د افغانستان د ولسمشرۍ ځینو کاندیدانو ویلي، ټاکنو کمیسیون د رڼو او منلو وړ انتخاباتو ترسره کولو ظرفیت نه لري او دا بهیر باید تر یوه "مناسب فرصت" پورې وځنډول شي. په ورته وخت کې کابل کې د امریکا سفارت د افغانستان د ټاکنو په روان بهیر کې نیمګړتیاوو ته ګوته نیولې.
په داسې حال کې چې ولسمشریزو ټاکنو ته پنځه ورځې پاتې دي، د افغانستان په شمال ختیځ ښار کندز کې امنیتي وضعیت خلک اندېښمن کړي. ښاریان خبرداری ورکوي که امنیت ډاډمن نه شي، نو ډېر خلک به ټاکنو کې برخه وانخلي.
په پروان کې د ولسمشر اشرف غني په مشرۍ د دولت ساز ټیم پر ټاکنیز کمپاین تر ځانمرګي برید وروسته، د ټاکنو څارونکي بنسټونه له کاندیدانو غواړي چې خپلې ولسي غونډې په نظامي مرکزونو کې جوړې نه کړي.
په افغانستان د ټاکنو څارونکي بنسټونه وایي، د ناامنۍ له امله د رأیه اچونې د سلګونو مرکزونو تړلي پاتې کېدل به، سلګونه زره کسان په راتلونکو ولسمشریزو ټاکنو کې له ګډونه محروم کړي.
نور راوښيه
