د افغانستان د ټاکنیزو شکایتونو کمیسیون چارواکي وايي، د کابینې د ځینو غړو په ګډون یې سلګونه کسان د انتخاباتي درغلیو او جرایمو په تور، څارنوالۍ ته ورپېژندلي دي.
د امریکا د بهرنیو چارو وزارت مرستیاله الېس وېلز وايي، واشنګټن د افغانستان په انتخاباتي کمیسیونو کې د هر ډول لاسوهنې او پر دغو کمیسیونو د سیاسي فشار راوړلو مخالفه ده.
د افغانستان د جمهوري ریاست انتخاباتو کاندید رحمت الله نبیل وايي، د ټاکنو کمیسیون په سیستم کې د یو میلیون تقلبي رایو د داخلیدو مخه نیول شوې ده.
په افغانستان کې د ملګرو ملتونو مرستندویه اداره (یوناما) وايي، د میزان ۶مې ولسمشریزو انتخاباتو په ورځ د طالبانو په حملو کې ۲۸ ملکیان وژل شوي دي.
د افغانستان د انتخاباتو خپلواک کمیسیون چارواکي وایي، مرکزي سیستم ته د رأی اچونې څه باندې ۲۶ زره او ۵۰۰ محلونو بیومټریک معلوماتو د انتقال بهیر به نن بشپړ شي. دغه کمیسیون تردې مهاله د ۲۲ زره ۵۸۸ محلونو معلومات انتقال کړي دي.
د افغانستان د انتخاباتو خپلواک کمیسیون وایي؛ تردې مهاله د ۲۲ زره او ۵۸۸ محلونو د رایو بیومټریک اطلاعات ددغه کمیسیون عمومي سرور ته انتقال شوي دي. په دغو محلونو کې څه باندې یو میلیون او ۷۳۷ زره رایې کارول شوي دي.
د افغانستان د انتخاباتو خپلواک کمېسيون وايي، د یکشنبې په ورځ ناوخته یې له بایومټریک دستګاوو څخه مرکزي سېستم ته د معلوماتو د لېږد بهیر رسماً پیل کړ.
په افغانستان کې د ایران سفیر محمد رضا بهرامي د پنجشنبې په ورځ د افغانستان د ټاکنو خپلواک کمېسون ته ورغلی و.
د ثبات او همپالنې انتخاباتي ډله په انتخاباتو خپلواک کمېسيون کې د درغلیو له امله اندېښمنه ده.
دافغانستان د انتخاباتو خپلواک کمیسیون مني چې د دې کمیسیون د آی ټي یا د تخنیکي چارو مشر څارنوالۍ ته معرفي شوی دی.
له تېرو درې ورځو راهیسې د انتخاباتو د خپلواک کمېسیون سرور ته د بایومټریک دستګاوو د معلوماتو د انتقال سرعت له ستونزو سره مخ و.
د افغانستان د ټاکنو خپلواک کمېسیون د دې ادارې د معلوماتي ټکنالوژۍ د رئيس محمد کبیر پناهي په برخه کې د کابل د ولایتي شکایتونو د کمېسیون وروستۍ پرېکړه د منلو وړ نه ده.
نور راوښيه
