۲۵کلن محمد جان چې د کندهار د قبایلو چارو په ریاست کې مأمور وو د تېرې پنجشنبې په ورځ د کندهار پر امنیه قوماندانۍ د وسلهوالو طالبانو د حملې پر مهال ووژل شو . محمد جان د خپلې کورنۍ یوازنی سرپرست و. د محمد جان مور د هغه د وژل کېدو کیسه داسې کوي.
محمد اصف فروتن غوښتل چې په دري ادبیاتو کې ډاکتري وکړي. ۴۰ کلن محمد اصف فروتن د پاملرنې مؤسسې کارکوونکی و چې د روان کال د روژې په څلورمه پر کاونټر پارټ مؤسسه په برید کې ووژل شو.
۱۹ کلن عنایتالله اصیل طهماسي د خپلو زدهکړو د دوام لپاره له جاغوري کابل ته راغلی و او ترهیې له هغه پرته په خپل ژوند کې څوک نهلرل، خو د ۱۳۹۵ کال د زمري د ۲مې نېټې چاودنې هغه د تل لپاره یوازې کړ.
علي صفر په ۱۳۹۷ لمریز کال د اسد میاشتې په ۲۴مه نېټه په دشت برچي سیمه کې د موعود کورس په برید کې ووژل شو.
۲۳ کلن عارف د حقوقو پوهنځي د وروستي کال محصل و، خو هیلې یې یوې انتحاري حملې له خاورو سره خاورې کړې. په کابل کې د یوناما د وروستي راپور پر بنسټ په ۲۰۱۸ میلادي کال کې ملکي تلفات د تېرو ۱۷ کلونو په پرتله په افغانستان کې ډېر و او دا شمېره ۳۸۰۴ ته ورسېده.
راحله له خپلې مور سره د ثور په دوهمه د کابل ښار دشت برچي سیمه کې د تذکرو د وېش د مرکز سره نږدې په انتحاري حمله کې ووژل شوه.
محمد زمان رسولي د ثور یا غویي په دوهمه د کابل ښار دشت برچي سیمه کې د تذکرو د وېش د مرکز سره نږدې په انتحاري حمله کې ووژل شو.
حیاتالله رامین رشیدي د ولسي جرګې د انتخاباتو په لومړۍ ورځ د کابل ښار په ۱۷مه حوزه کې په انتحاري حمله کې ووژل شو.
نصیر احمد چې د غاښونو ډاکتر و، د ولسي جرګې د انتخاباتو په لومړۍ ورځ په اولسمه حوزه کې په یوه انتحاري حمله کې ووژل شو.
سید قضوي او وراره یې سید عصمت دواړه د روان کال د حمل میاشت په لومړۍ یو ځانمرګي برید کې خپل ژوند له لاسه ورکړ.
محمد اقا د پنځو ماشومانو پلار و، هغه په کابل کې د ولسي جرګې د انتخاباتو په لومړۍ ورځ په اوولسمه حوزه کې په یوه انتحاري حمله کې ووژل شو.
عبدالحمید د دوو ماشومانو پلار و، هغه په کابل کې د ولسي جرګې د انتخاباتو په لومړۍ ورځ په اولسمه حوزه کې د انتحاري حملې ښکار شو.
نور راوښيه
