په دې وروستیو کې د کابل ښار اوسېدونکې یو شمېر مېرمنې تفرېحي پارکونو ته له ورتګه منع کړل شوي او د طالبانو حکومت د امر بالمعروف و نهي عن المنکر وزارت هم پارکونو ته د ښځو په ورتګ د نویو محدودیتونو لګول تأیید کړي دي. مخکې طالبانو تفرېحي پارکونو ته د ښځو او سړیو د ورتګ لپاره جلا، جلا ورځې ټاکلې وې.
فاطمه امیري چې د کاج پر روزنیز مرکز برید کې ټپي شوې وه او یوه سترګهیې له لاسه ورکړې، بالاخرهيې تېره اوونۍ د کانکور ازموینه کې ګډون وکړ. هغه د ۳۱۳ نمرو په ترلاسه کولو سره وتوانېده چې د کابل پوهنتون کمپیوټر ساینس فاکولتې ته بریالۍ شي، هغه تحصیلي رشته چې فاطمې یې هیله درلوده.
کابل کې د ځواکمنو مېرمنو اصلي خوځښت د یوې اعتراضیه غونډې په ترڅ کې له طالبانو د زدهکړو او په دولتي ادارو کې ښځو ته د کار حق غوشتنه وکړه. دغه مېرمنو او نجونو چې ډېری له پوهنتون فارغې وې خپل تحصیلي اسناد هم له ځانونو سره راوړي و.
په بدخشان ولایت کې هغه معترضې ښځینه محصلانې چې پوهنتون ته د ننوتلو مخه یې نیول شوې ادعا کوي چې د طالبانو له خوا ډبول شوي دي. یوه خپره شوې ویډیو کې ښکاري چې د دې حق غوښتنې ځواب د طالبانو لخوا په درو ورکول کېږي. نور په ویډیو کې:
لسګونه نجونو محصلينو "د کابل پوهنتون له ليليې د لسګونه محصلينو له جبري ایستلو" وروسته نن سې شنبه د دغه پوهنتون مخ ته اعتراض وکړ.
په کابل کې ‘زن کتابتون’ د ښځو مطالعې او زده کړو لپاره فرصت برابر کړی دی. یو شمېر ښځې هره ورځ دغه کتابتون ته ورځي. دا کتابتون د هغو ښځو او نجونو لپاره یو فرصت بلل کېږي چې له یوه کال راهیسې ښوونځي ته له تګه محرومې دي.
په کابل کې پر کاج ښوونیز مرکز د چاودنې له امله د یوې وژل شوې نجلۍ خور وايي، هیڅکله به خپل درسونه پرېنږدي. په افغانستان کې د ملګرو ملتونو ماموریت ویلي چې لږ تر لږه ۵۳ کسان وژل شوي او۱۱۰ نور ټپیان دي. نور په دې ویډیو کې:
په هرات کې یو شمېر نجونو د یکشنبې په ورځ په کاج ښوونیز مرکز د برید او له ۶ ټولګي پورته د نجونو د تړلو ښوونځيو په غبرګون کې لاریون وکړ.
د کابل لوېدیځ کې پروني خونړي برید ګڼې کورنۍ د ویر په ټغر کېنولي دي. یوه هم د عظیمي کورنۍ ده. حسنیه عظیمي په پروني برید کې ووژل شوه.
نن په کابل کې د معترضو ښځو راټولېدنه د طالب ځواکونو په هوايي ډزو سره وپاشل شو. دغو ښځو د کابل په لوېدیځ کې پر کاج ښوونیز مرکز د برید له امله مظاهره کړې وه. هممهاله یو شمېر نورو ښځو چې د کابل په ښوونې او روزنې پوهنتون کې راټولې شوې وې د "تعلیم زموږ حق دی" شعارونه ورکول.
یو شمېر افغان مېرمنو نن په کابل کې د ایران سفارت مخې ته لاریون وکړ. دغو ښځو شعار ورکاوه چې “ایران راپورته شو او اوس زموږ وار دی.” د راپور پر بنسټ او هغه انځورونه چې په ټولنیزو رسینو کې خپاره شوي دي ښکاري چې طالبان په هوایي ډزو سره هڅه کوي دغه ښځې سره وپاشي.
هره ورځ په لس هاوو ښځې او پېغلې نجونې د افسردهګۍ او رواني ناروغیو د درملنې په هدف د کاپیسا مرکزي روغتون ته ورځي. د دې روغتون د رواني صحت یوې مشاورې فروزان جمشیدي فرانسې خبري اژانس ته ویلي، د تېر په پرتلهیې د مراجعینو په شمېر کې د پام وړ زیاتوالی راغلی او حتی زیاتره پېغلې نجونې ځان وژنه کوي.
نور راوښيه
