Сузакта белгисиз кишилер айыл өкмөттүн жана эки мектептин имаратындагы мамлекеттик тууну өрттөп, ордуна арабча жазуусу бар ак матаны илип кеткенден кийин аймакта көзөмөл күчөтүлдү.
Мамлекеттик Думанын вице-спикери Владислав Даванков мектептерде жана коомдук жайларда аялдардын бети жарым-жартылай же толугу менен жабылган никаб, хижаб жана башка диний кийимдерди кийүүгө тыюу салууну сунуштаган мыйзам долбоорун киргизди. Бирок орус өкмөтү бул сунушту колдогон жок.
Тажикстандын парламенти мыйзамга өзгөртүүлөрдү киргизип, улуттук маданиятка төп келбеген кийим кийүүгө, жарнамалоого жана сатууга тыюу салды. Мыйзамдын жаңы редакциясында эрежени бузгандарга 65 миң сомониге чейин айып пул салынары жазылган.
Кыргызстанда көзү ачык, бүбү-бакшыларды жарнамалоого тыюу салган мыйзам долбоору экинчи окуудан өттү. Коңшу Тажикстанда бал ачуу менен алектенген 50 адам кармалды.
Кыргызстан мусулмандар дин башкармалыгынын блогер Айнура Сагынбаева тууралуу билдирүүсү коомчулукта ар кыл пикир жаратты.
Муфтияттын маалыматы боюнча, Кыргызстанда 130 диний окуу жайы бар. Ага диний институттар, медреселер жана диний окуу борборлору кирет. Кыздардын медреселери 34. Жалпысынан диний окуу жайларда билим алган кыздар 6 миңден ашат.
Кыргызстанда 130 диний окуу жайы бар. 34ү кыздардын медреселери. Алар куран жаттоо жана илимий болуп, эки түргө бөлүнөт. Кыздарды 9-11-класстан кийин кабыл алышып, 3-4 жылдык билим беришет. Медреселерде диний жана кесиптик билим менен чектелишип, светтик предметтерди киргизүүгө мүмкүн болбой келет.
Орусиянын Федералдык коопсуздук кызматы Москва шаарында жана Донецктеги теракттардын алдын алганын билдирди. Эки шаарда тең күч органдары Борбор Азия мамлекеттеринин жарандарын кармашты, бирок алар кайсы мамлекеттен барганы азырынча тактала элек. Кармоо учурунда шектүүлөрдүн бири өлтүрүлгөн.
Орусияда “Крокус-ситидеги” кандуу кол салууга байланыштуу камалган тажикстандыктардын саны ондон ашты. Бул теракттан көп өтпөй кандуу калабаны даярдаган деген шек менен Тажикстандын жана Кыргызстандын бирден жараны Түркияда кармалганы белгилүү болду.
Москвада бул жолку айт намазы мигранттарга каршы маанай күчөп турган шартта өтүп, борбордук мечитке мигранттар адаттагыдан аз келгени кабарланууда. Майрамга карата Орусиянын баш калаасында коопсуздук чаралары күчөтүлүп, темир тосмолор коюлуп, жүздөгөн полиция кызматкерлери күзөткө чыкты.
Газалыктар Орозо айтты согуш шартында белгилеп жатышат. Ал арада АКШнын президенти Израиль өкмөт башчысынын Газадагы саясатын “жаңылыш” деп атады. Журналисттерди коргоо комитети кыргыз бийлигин камалган журналисттердин баарын бошотуп, аларга коюлган айыптарды алып салууга чакырды.
Дагы жүктөңүз
