Кыргызстан

17-ноябрда Кыргызстанда жергиликтүү кеңештерге шайлоо өтүп, анын жыйынтыгы менен “Жаңы Кыргызстан”, “Ынтымак”, “Жаңы күч”, “Адилет” жана “Эмгек” сыяктуу партиялары жеңишке жетти. Бул шайлоодо Социал-демократтар партиясы Бишкектеги жарыштан четтеши, анын лидери Темирлан Султанбеков камалды. Жергиликтүү кеңештин деңгээлиндеги саясий сахнага буга чейин активдүү болбогон айрым партиялар келишти. Ошол эле учурда мурдагыдай добуш сатып алуу, административдик ресурс колдонуу сыяктуу көрүнүштөр дээрлик жок болгону да белгиленди. “Эксперттер талдайт” берүүсүндө шайлоонун жыйынтыгын, шаардык кеңештердин болжолдуу курамын талкуулайбыз.

Жогорку Кеңеш бир катар айылдардын тарыхый аттарын кайтаруу боюнча мыйзам долбоорун биринчи окууда колдоду. Бишкектеги төрт райондун аталышын алмаштыруу демилгеси кайрадан көтөрүлдү.Орус президенти Владимир Путин ядролук сокку уруунун сценарийлери кеңейтилген жаңы доктринага кол койду. Өткөн түнү Украина Орусияны ATACMS менен атканы кабарланган. Социал-демократтар партиясынын лидери Темирлан Султанбеков добуш сатып алуу боюнча президенттин администрациясынын маалыматтык саясат кызматынын жетекчиси Дайырбек Орунбековдун сөздөрүнө жооп берди.