Кыргыз өкмөтү учурда Орусия, Беларус, Кытай жана Өзбекстандан күйүүчү май ташып келүү боюнча сүйлөшүүлөр уланып жатканын билдирди. Өлкөдө күйүүчү май баасы жогору бойдон турат. Мунай ташуучулар бирикмеси запас азайганын эскертүүдө. Ушул айда Орусиядан 100 миң тонна келери дагы бир жолу айтылды.
Кытай кыргыз жарандарына бул өлкөгө виза алуунун жол-жобосун жөнөкөйлөштүргөнү айтылууда. Маалымат каражаттарынын жазышынча, 20-августтан тартып кыргызстандык жарандар 10 суткага чейин визасыз транзит жана Хайнан провинциясына 30 күнгө чейин визасыз кире алат. Бул эрежелер кандай иштейт?
Кытай бажысы 2025-жылы Кыргызстан Бээжинге 48 тоннадай алтын куймасын экспорттогонун көрсөтөт. Андан мурунку жылы 30 тонна алтын сатылган. Алардын жалпы баасы 7,6 млрд долларга жакын. Кыргызстандын Бажы кызматы дагы бул маалыматты ырастап, Кытайга “үчүнчү өлкөнүн” алтыны жөнөтүлгөнүн билдирди.
Борбор Азиянын бир катар шаарында электр жарыгы жапырт өчүп, казак энергетиктери себеби катары Токтогул ГЭСинин агрегатындагы маселени аташты. Кыргыз тарап биргелешкен техникалык иликтөө бүтмөйүнчө бир тараптуу күнөөлөөдөн карманууга чакырды. Алматыдагы блэкаутка Токтогул ГЭСинин кандай тиешеси бар?
Кыргызстанга алып келинген электр унааларын бажы алымысыз киргизүү квотасы 15 миңден 25 миңге чейин көбөйтүлдү.
13-августта президент Садыр Жапаровдун журналист Али Токтакуновго курган маегинде айткандары кызуу талкууга айланды. Ал Кумтөр, коррупцияга каршы күрөш, Камчыбек Ташиевдин саясий жолу, Кытай менен кызматташтык тууралуу жана башка коомчулукту кызыктырган бир топ суроого жооп берди.
Кыргызстанга ташылып келген электр унаасын бажы алымысыз киргизүү квотасы 15 миңден 25 миңге чейин көбөйтүлдү. 15 миң дааналык квота июль айында түгөнгөнүнө байланыштуу электр унааларынын баасы көтөрүлгөн эле. Учурдагы бензин кризисинин шартында электр менен жүрүүчү машиналарга талап өсүп жатат.
Чуулгандуу ишкер Сыргак Кенжебаевдин президент Садыр Жапаровдун жакындары өлкөдөгү бажы кызматы баш болгон бир нече тармакты башкарууга аралашып жатканы тууралуу билдирүүсү талкууга түштү. "Ынтымак Ордонун" өкүлү Дайырбек Орунбеков баарын четке кагып, бажы төлөмдөрү көбөйгөнүн мисал келтирди.
Премьер-министр Адылбек Касымалиев өлкөдө күйүүчү-майлоочу майдын баасы дагы көтөрүлүшү мүмкүн экенин билдирди. Ал Орусиядан башка да бир нече өлкөдөн кара май алынып келип жатканын, эл көп колдонгон АИ-92 бензининин баасын өкмөт субсидия аркылуу кармап жатканын билдирди.
Кабминдин башчысы Адылбек Касымалиев күйүүчү-майдын баасы дагы көтөрүлүшү мүмкүн экенин эскертти. Ал учурда эл көп колдонгон АИ 92 бензиндин баасын өкмөт субсидия менен кармап турганын билдирди. Ал тапта өлкөдө дагы да болсо бензин, дизелдин тартыштыгы сезилип жатат.
Кыргызстанда Жетим-Тоо темир кенин иштетүү боюнча талкуулар жанданды. Кумтөрдү башкарып, кийин соттолгон Теңгиз Бөлтүрүк кенди иштетүүгө жана аны башкарууга даяр экенин билдирген. Буга мурдагы премьер-министр Темир Сариев жооп берип, Жетим-Тоону иштетүү оңой-олтоң иш эмес экенин айтып чыкты.
АКШга убактылуу иш сапар, туризм, эс алуу, туугандарга жолугуу үчүн бара турган Кыргызстандын жарандарына бул өлкөгө кирүү үчүн 20 миң долларга чейин күрөө төлөө программасы ишке кирди. 3-августтан тартып чектөөгө дуушар болгон дүйнөдөгү 50 өлкөнүн катарында Тажикстан жана Түркмөнстан дагы бар.
Кыргызстан Орусиядан айына 100 миң тоннадан күйүүчү май ташып келүүнү макулдашты. Андан тышкары Азербайжан менен мунай жеткирүү тармагындагы кызматташтык жөнүндө меморандумга кол коюлду. Күйүүчү май кризисинен улам Кыргызстан бул жаттагы импортту диверсификациялоо аракетин көрүүдө.
Орусиядагы Wildberries компаниясынын кампаларына жасалган дрон чабуулдары кыргызстандык ишкерлердин чыгымын дагы көбөйттү. Буга чейин Электросталь жана Котовск шаарларында кампалар өрттөнүп, жүздөгөн сатуучунун товары жок болгон. Эми Краснодар жана Невинномысск шаарлары бутага алынды.
Украиналык дрондор бир аптада үч ирет Wildberries маркетплейсинин Орусиянын бир нече аймагында, аннексияланган Крым жарым аралында жайгашкан кампаларына, логистикалык борборлоруна сокку урду. Эмне үчүн украин армиясы Wildberries'ти бутага алууда?
Wildberries'тин бир нече кампасына жасалган дрон чабуулдарынан кийин жүздөгөн кыргызстандык ишкер товары күйүп кеткенин билдирди. Электросталь, Котовск, Краснодар жана Невинномысск шаарларындагы өрттөн кийин ишкерлер өкмөткө кайрылып, тарткан зыяны үчүн кенемте төлөө маселесин көтөрүштү.
Кыргызстанда чет элдиктердин, айрыкча кытайлык инвесторлор менен жумушчулардын өлкөдөгү ролу кайрадан талкуу борборуна чыкты. Арпа жайлоосунда чет өлкөлүктөрдүн ток менен балык кармаган видеосу, Ат-Башыда канаттууларды тор менен тузактаган сыяктуу окуялар коомчулуктун кескин реакциясын жаратты.
УКМКнын мурдагы төрагасы Камчыбек Ташиев 2027-жылы өтө турган президенттик шайлоодо талапкер болбой турганын жана бул өнөктүктө президент Садыр Жапаровду колдой турганын билдирди. Ал коомчулукта өзүнүн атын жамынып, бүлүк салууга аракет кылгандар бар экенин белгилеп, андайларга ишенбөөгө чакырды.
Юстиция министрлиги “Борбор Азия жана Кытайдын тынчтык жолу аркылуу кайра биригүүсүнө көмөктөшүү ассоциациясы” деп аталган коомдук уюмдун каттоосу мурда эле жокко чыгарылганын ырастады. Соцтармактарда коомдук уюм тууралуу талкуу жүрүп, айрымдар анын аталышын сындап, скриншотторун жарыялашкан.
Ысык-Көлдө “Тамчы” атайын финансылык-инвестициялык аймагы өткөн аптада ачылды. Долбоорду ишке ашыруудан 2035-жылга чейин аталган инвестициялык аймакта 3900дөн ашуун резидент-компания иштери, 10 миңден ашык жаңы жумуш оруну түзүлөрү күтүлүүдө.
Дагы жүктөңүз
