Доор ураганда (1991)

• Декабрь 21, 2007

  УКУК КОРГООЧУЛАР АБАКТА

  “Мен ишенбейм” деген ураан менен пикетке чыгышканы үчүн белгилүү укук коргоочу Төлөйкан Исмаилова жана жаштардын тобу убактылуу кармоочу жайда камакта жатышат. Алар менен президенттин алдындагы адам укуктары боюнча комиссиянын төрагасы Турсунбек Акун бүгүн жолукту. Укук коргоочу акцияга чыккан адамдарга карата тартип коргоо кызматынын жана соттун мамилесин чектен чыккан жорук катары баалоодо. Ички иштер министринин басма сөз кызматынын жетекчиси Бакыт Сеитов болсо тартип коргоо кызматы мыйзамдын чегинде иш кылган деп эсептейт.

• Ноябрь 30, 2007

  ВИТАЛИЙ ПОНОМАРЕВ: БАКИЕВДИН КОШОМАТЧЫЛАРЫ ЖОСУНСУЗ ЖОРУКТАРДЫ ЖАСАП ЖАТЫШАТ

  Виталий Пономарев «Мемориал» эл аралык укук коргоо борборунун директору. Борбор Азия өлкөлөрүндөгү кырдаалга туруктуу абай салып жүргөн серепчи. Жакында Ошто сапарда болгондо В. Пономаревду «Азаттыктын» аймактык кабарчысы Алишер Токсонбаев кепке тарткан эле.

• Ноябрь 15, 2007

  Адилет Айтикеев тергөө бүткүчө камактан чыкпайт

  Апрель митинги учурунда массалык башаламандык уюштурган деп айыпталып жаткан Адилет Айтикеевдин баш коргоо чарасы өзгөртүлбөй, мындан ары да камакта жата бермекчи. Бүгүн Бишкек шаардык соту анын актоочуларынын өтүнүчүн четке кагып, Биринчи май райондук сотунун чечимин күчүндө калтырды.

• Ноябрь 13, 2007

  ТЫНЧ ЖЫЙЫНДАРГА КУУГУНТУКТУ ТОКТОТКУЛА! (Сүрөт баян)

  Бишкекте укук коргоочулар жарандардын тынч жыйындарга чогулуу укуктарына бут тосууларды жана куугунтуктоону токтотууну талап кылып Өкмөт үйүнүн алдына каршылык акциясын өткөрүштү. “Кылым шамы” бейөкмөт уюмунун жетекчиси Азиза Абдурасулова, “Жарандар коррупцияга каршы” уюмунун жетекчиси Төлөйкан Исмаилова, “Демократия жана атуулдук коом үчүн” коалициясынын төрайымы Динара Ошурахунова жана башка укук коргоочулар укук коргоо органдарынын мыйзамдуу форматта иштешин, соттордун калыстыгын жана көз карандысыздыгын камсыз кылууну бийлик башчыларынан талап кылышты.

• Ноябрь 02, 2007

  ЖЫПАРГҮЛ АРЫКОВАНЫН АДВОКАТЫ АНЫ ЖАКТООДОН БАШ ТАРТТЫ

  Аманбек Жапаров,Бишкек Тыңчылык кылды делип шектелип УКМК абагында жаткан парламенттин басма сөз кызматынын кызматкери Жыпаргүл Арыкованын адвокаты Айжан Касымалиева бүгүн маалымат жыйынын өткөрүп, өнөктүшү Нина Зотованын «Дело№» гезитине берген маегине капа болуп, Арыкованы жактоодон баш тартты. Гезиттеги макала боюнча адвокаттын мындай кадамга барышына негиз деле жок, дешет Арыкованын ата-энеси. Ал эми «Садыков жана анын шериктери» юридикалык компаниясынын жетекчиси Нурлан Садыковдун айтымында, адвокаттык этика боюнча жактоо ишин чогуу алып барып аткан өнөктөштөр катуу карама-каршылыктарга туш келгенде гана бирөөсү баш тартууга мүмкүн экендигин айтты.

• Октябрь 26, 2007

  АЙТИКЕЕВ КАМАКТА, СУБАНАЛИЕВ АКТАЛЫП, АКҮЙДӨ

  УКМКнын кызматкерлери апрель митингисине активдүү катышкан «Канжар» жаштар уюмунун лидери Адилет Айтикеевди Кыргыз-Түрк “Манас” университетине кирип бараткан жерден кармап кетишти. Айрым укук коргоочулардын айтымында аны ректор иш бөлмөсүнө чакырып, ал келген маалда коопсуздук кызматкерлери күтүп турган. Бирок, аты аталган окуу жайдын ректору Сулайман Кайыпов аны менен сүйлөшпөгөнүн, андай маалыматтар жалган экендигин билдирүүдө. Серепчилердин баамында, ошол митингди уюштургандар акүйдө чоң кызматта отурган маалда, митингдин жөнөкөй катышуучуларынын соттолуп, камалып жатышы, адам укуктарын одоно бузгандык болуп саналат.

• Октябрь 25, 2007

  АЛИШЕР САИПОВ: ЖАШ КЕЗИНДЕ ЖАЙРАГАН ӨМҮР (сүрөт баян)

  Киши колдуу набыт болгон белгилүү журналист Алишер Саиповду бүгүн Ош шаарында акыркы сапарга узатышты. Жапжаш кезинде жалп өчкөн Алишер менен туугандары, кесиптештери жана жердештери боору кайышып, буркурап ыйлап коштошту.

• Октябрь 25, 2007

  ЖУРНАЛИСТ АЛИШЕР САИПОВДУН ӨМҮРҮН КЫЙЫШТЫ, КЕЗЕКТЕ КИМ?

  Ошто белгилүү журналист Алишер Саиповду жалданма жан алгычтар атып өлтүрүп кетишти. Белгисиз адамдар Кыргызстан көчөсүнөн аны аңдып турушуп, автоунаадан ага үч жолу ок атышкан.

• Октябрь 09, 2007

  КАНАТЫ ЖАРАЛАНСА КУШ УЧАЛБАЙТ

  Кыргызстан саясатчылар ассоциациясы өлкөнүн түштүк аймагынын курч социалдык-экономикалык проблемаларын чагылдырган баяндама даярдаган. Анын кечээки бетачарында чекара көйгөйү, өлкөнүн бүтүндүгү, түндүк-түштүк ажырым сындуу кийинки жылдары өзгөчө оожалып кеткен олуттуу проблемалар жайында кеп болду. Толгон-токой социалдык-экономикалык оорчулуктардын төөбастысында калган аймакта диний-жикчил маанай үстөмдүк кылып, абал жылдан-жылга кыйындап баратканы айтылды.

• Октябрь 04, 2007

  БОЗПИЕКТЕ АТЫЛГАН ЭЛДИН КОЛУНДА КУРАЛ БОЛГОНБУ?

  Жалалабатта Аксы окуясы боюнча сот улантылып, анда кызмат абалынан кыянат пайдаланган деп айыпталып жаткан мамлекеттик кызматкерлердин бири областтын мурдагы прокурору Зоотбек Кудайбергенов сурак берди. Сотто ал 17-мартта элдин колунда курал болгондуктан милиция кызматкерлери да жабыр тартканын билдирди. Аксы окуясында жабырлануучулар демонстранттардын колунда күндүк азыгынан башка эчтеме болбогондугун айтышууда.

• Сентябрь 30, 2007

  ТЕКЕБАЕВ УБАКТЫЛУУ КАРМООЧУ ЖАЙДАН ТҮРМӨГӨ КОТОРУЛДУ

  Ош шаардык ички иштер башкармалыгы Алмазбек Текебаевди убактылуу кармоочу жайдан № 5-түрмөгө которду, эми ага байланышкан кылмыш иши сотко жөнөтүлөт.

• Сентябрь 28, 2007

  МАКСИМ КУЛЕШОВ КАМАКТАН БОШОТУЛДУ

  Жазгул Жамангулова 24-сентябрь күнү Токмок шаар башчысынын жыйында сүйлөгөн сөзүн диктофонго жазып, аны сүрөткө тарткандыгы үчүн он күнгө камалган укук коргоочу Максим Кулешов убактылуу бошотулду. Буга байланыштуу бүгүн укук коргоочулар маалымат жыйын уюштуруп, анда жергиликтүү бийлик өкүлдөрү тарабынан укук коргоочуларга карата кысым болуп жаткандыгын айтышты.

Дагы жүктөңүз