Күлкү кербени

Орус совет акыны Владимир Александрович Лившицтин (1913—1978) отуздай ырлар жыйнагы, андан тышкары кара сөз чыгармалары жана драмалары жарык көргөн.

Ал 1940-жылдардын соңунда аз жерден "космополит" катары репрессияга кабылып кала жаздап, Ленинграддан Маскөөгө көчө качып, сталинчилерден из жашырган.

“Анын Жеймс Клиффорддун ырлары” деген ырлар түрмөгү дүйнөдө жок, б.а. ойлоп табылган акындын ырларынын котормосу катары жарык көргөн. Бул түрмөктө ал өзү көргөн экинчи дүйнөлүк согуш жана тоталитардык коомдогу азаптуу турмуш жөнүндө экинчи дүйнөлүк согушта набыт болду деп жоромол кылынган, чын-чынында, өзү ойлоп тапкан "британдык акын Жеймс Клиффорддун" атынан акыйкат сүрөттөмө берген.

Төмөндө анын спорт темасындагы азил ырларынан котормо сунушталат.

* * * * * * *

ШТАНГА

Салмагы

жүз килден чоң

штанганы

Мага кыйын,

көтөрүү түгүл –

көрүп туруу тармагы.

* * * * * * *

ОЮНДУН МЫКТЫСЫ

Спорт оюндары – ондоп саналат!

Пикириңиз –

Кайсы оюнга

Өзүңүздү элеңиз арнамак?

Сиз эстейсиз хоккейди,

Футболду.....

Кайда-а!

Эң мыктысы спорттогу оюндардын –

“Спортлото”,

берчү пайда.

(Булак: “Крокодил” журналы. № 19. Июль, 1972. – 7-бет).

* * * * * * *

Бир жолу А.Акаев Москва университетиндеги аспиранттар үчүн дарстан өлө чарчап, андан ары Москва дарыясынын жээгине келиптир да, эрмектейинчи деп балык кармай баштаптыр. Кайырмагы солк эткенде тартып алса – алтын балык илиниптир дейт.

- Байкебай, мени кайра сууга койо бериңизчи, бир тилегиңизди аткарып берейин? Мен - айтылуу Алтын балыкмын!

- Чын элеби?

- Ооба.

- Анда мени кайра Кыргызстандын президенти кыл!

- Бир суроом бар эле?

- Айт.

- Анан сиз аялыңызды, бала-чакаңызды, Алматыдан келген күйөө балаңызды, аялыңыздын классташын жана башка туугандарыңызды башкаруу ишине кайра аралаштырасызбы?

- Бул – менин президенттик ыйгарым укугум да! Акым бар да!

- Байкебай! Ансыз деле ошолордун чеңгелине түшкөндөн коркуп, Ысык-Көлдөн быякка качып келген элем. Андан көрө мени кууруп жей бериңизчи!

* * * * * * *