Күлкү кербени

* * * * * * *

Алайкууну интернеттен көрүү кыйын

2009-жылы студент болгон азилчи эскерет:

"Биздин эсепкерди жакшы өздөштүргөн бир агайыбыз бар эле. Ал бир күнү ноутбугун көтөрүп келип, "өз айылыңарды көргүңөр келеби, интернеттен?" - деп сурап калды.

Биз жабыла макул болдук.

Анан ал ар бирибизден 50 сомдон алып, айылыбызды Гууглдан көрсөтүп берди.

Анан бир алайкуулук кызыбызга кезек жетип калганда:

- Алайкуу - бийик тоолуу район, аны көрүү кыйын, ага көп акча кетет, - деп айтып, агайыбыз андан 150 сом алып көрсөттү.

Көрсө, агайбыз "бизнес жасаган" экен".

* * * * * * *

Сынак маалындагы тааныштар

Бир ЖОЖдун окутуучусу студентти чакырып алып, тигиге "китепчеңди (зачеткаңды) бер", деп айтып, анан студенттин өзүнө тааныш кишинин уулу экенин көрүп, мындай дейт:

- Өзүмүн аяш уулум турбайсыңбы, балам. Сага оңой эле суроо берем, эч кыйнабай! Кана, айтчы, биз жашап жаткан Жердин жалпы шекили кандай?
Студент жооп узатат:
- Үч бурчтук беле, агай?
Окутуучу берки аяш баласы түшүнбөй калды окшойт деп, алкактын шекилин колу менен абага чийет да:

- Жердин шекили кандай эле? - деп суроосун кайталайт.

Тиги студент:
- А-аа, таптым, төрт бурчтук!
Окутуучунун жини келип, студентти жекирет:

- Чык, жогол! Сендей акмакты биринчи жолу көрүшүм!
Ызаланган студент сыртка чыгып бара жатып:
- Агай! Эки тоо жолукпайт, бирок акыры экөөбүз жолугабыз! Жер деген тоголок эмеспи! - деген экен.

* * * * * * *

(Интернеттеги коомдук тармактардан алынды).

Сиз чын эле патриотсузбу?

Орусиядагы жаңы азилдерден бир шиңгил.

* * * * * *

- Урматтуум, Сиз чын эле Орусиянын патриотусузбу?

- Ооба. Эмне болуп кетти?

- Патриот болсоңуз эмне үчүн Орусияда өндүрүлгөн машинени минбестен, чет өлкөдө чыккан унааны айдап жүрөсүз?

- Э-э досум! Сиз патриотчулук менен аңкоолукту чаташтырып албаңыз!

* * * * * *

- Миллиардер Роман Абрамовичке Максим Галкин кайрылып, “Ким миллионер болгусу келет?” деген сыналгы берүүсүнө катышып берүүсүн өтүнгөн экен, ал ага абдан ызаланыптыр.

- Ооба, ошондон тартып бул берүүнү Дмитрий Дибров алып барып калды дешет.

* * * * * *

Жаңы орус досуна кайрылат:

- Эгерде кимдир-бирөө "Лэнд крузер" сатып алган болсо, аны дароо эле “бай экен” деп бүтүмгө келбеш керек. Балким, ал бечара үч ай бою маянасын чогултуп, анан сатып алгандыр?

* * * * * *

- Сологойлор акчасын оң чөнтөккө катат экен, оң кол менен жазчулардын акчасы сол чөнтөктө болот экен.

- Мага окшогон мээсинин эки бөлүгү тең күчтүү иштегендердин акчасы оффшордук (аралдардагы салыктан эркин) банктарда катылат.

* * * * * *

- Сенин жаңы үйүңдү кимдер курду?

- Тажиктер. Өтө сонун курушат! А сеникинчи?

- Швейцарлар.

- Опе-ей, кымбатка түштүң го?

- А Швейцарияга тажиктерди алып баруу мындан да кымбат экен!

* * * * * *

Отун сатуучу бир жаңы оруска кайрылып:

- Мына бул кертилген даяр отундар Сиздин хансарайдагы кооз мешиңизге атайын даярдалган. Ар бир кертим отун хохломалык оюу менен шөкөттөлгөн! Баасы үчүн да досторуңуздун алдында барктана аласыз!

* * * * * *

- Эмне үчүн тилемчилерге көп акча бересиз да, окумуштууларга эч кандай жардам кылбайсыз? – деп жаңы орустан сурашат.

- Анткени мен качандыр бир кезде кайырчыга айланышым мүмкүн, бирок менден эч качан илимпоз чыкпайт.

* * * * * *

(Ар кыл интернет булактарынан)

TT