Күлкү кербени

* * * * * * *

Өлбөстүктү камсыз кылчу мүрөк суу табылганда бүт дүйнө шаттанды.
Бир гана Беларустун эли бир добуштан кыйкырды: «Жо-о-ок!»

* * * * * * *


Беларустун экономикалык көрсөткүчтөрүн жакшыртуу максатында президент Лукашенканын кызматтык автомашинасынын алдыңкы терезесин жагымдуу кызгылт түстө бойоп коюу тууралуу чечим кабыл алынды.

* * * * * * *

Армян радиосунан сурашыптыр:
- «Эмне үчүн Беларуста шайлоонун жыйынтыгына каршы нааразылык жыйындарын өткөрүүгө тыюу салынган?»
- Беларус – бул демократиялык жумурият. Шайлоо – купуя шартта өтөт. Демек, нааразылык чаралары да купуя шартта өткөрүлүшү абзел.

* * * * * * *

Орусиянын европалык бөлүгүндө казуу жүргүзгөн археолог менен орто кылымдардагы Энесайдагы кыргыз археологиялык эстеликтерин иликтеген кесиптеши сүйлөшө кетип, биринчиси мактанып калат:

- Бизде жакында казуу иштери учурунда XVIII кылымга таандык коммуникациялык сымдар табылды. Бул деген – бизде, Чыгыш Европада, ошол учурда эле телефондун жана башка заманбап байланыш түрлөрүнүн болгонунан кабар берет.

Анда кыргыз археологиясынын адиси камырабай туруп:

- А-а, жакшы экен. Ал эми бизде - Түштүк Сибирде - силердикиндей эч бир сым табылган эмес. Анткени, билесиңби, Энесайдагы кыргыздардын бабалары тээ алмустактан эле вай-фай (Wi-Fi) колдонушкан болчу.