Израилдин өкмөтү Газа тилкесин толугу менен оккупациялоо сунушун киргизгенин, аскерлер буга каршы болуп жатканын жергиликтүү маалымат каражаттары кабарлашты.
“Клооп Медиа” басылмасынын "жапырт башаламандыкка чакырык жасоого" шектелип жаткан кызматкерлеринин ишин сот карай баштады. Эки айдан ашуун тергөө абагында отурган медианын мурдагы операторлору Александр Александров жана Жоомарт Дуулатов, эки эсепчиси бул иште айыпталуучу катары өтүп жатат.
Ак-Буура дарыясынын корук аймагында жана канал боюна мыйзамсыз курулган имараттар бузулууда. Мэрия алардын арасында таасирдүү саясатчыларга, мурдагы аткаминерлерге таандык жайлар бардыгын билдирди. Ош шаарынын бул аракеттери коомчулукта кызуу талкуу жаратууда.
Баш калаа Бишкектин калкы улам көбөйүп, шаар тездик менен өсүүдө. Кабат-кабат көп кабаттуу үйлөр курулуп жатканы менен ошого ылайык инфраструктура түзүлбөй калууда дейт айрым урбанисттер. Мындай абал мектеп, оорукана, бала бакчалардагы, суу жана башка көйгөйлөрдөн ачык көрүнөт.
УКМК Жогорку Кеңештин мурдагы эки депутаты – Алтынбек Жунус уулу менен Муратбек Малабаев Нарындагы көмүр кенин мыйзамсыз басып алууга шек саналып кармалганын маалымдады. Бир нече жыл мурда облустагы Миң-Куш көмүр кенине байланыштуу жергиликтүү тургундар нааразылыкка чыгып, кийин кайра басылган.
Америка Кошмо Штаттарынын (АКШ) Кыргызстандагы элчилиги бул өлкөгө кирүүгө уруксаты бар жарандарга визанын мөөнөтү боюнча эскертме жарыялады.
Жакында Ала-Тоо аянтындагы Манастын эстелиги алмаштырылды. Жаңы эстеликти жаш скульптор Тамила Маматова жасаган. Аянтка орнотулгандан тартып эле коомчулукта, социалдык тармактарда ал тууралуу кызуу талкуу күч алды.
Кыргызстандын айрым жогорку окуу жайларында ондогон студенттин окуудан айдалышы билим берүү тармагындагы олуттуу көйгөйлөрдү ачыкка чыгарды. Эксперттер бул көрүнүштү "жел студенттерге" каршы күрөш катары баалап жатса, атайын кызмат мыйзам бузууга шектүүлөрдү териштирүүдө.
Маданият, маалымат жана жаштар саясаты министрлиги жаңы гимндин текстинин беш варианты тандалып алынганын билдирди. Мындай чечим 25-июлда гимнди өзгөртүү үчүн түзүлгөн мекеме аралык комиссиянын жыйынында кабыл алынганы айтылды. Эми ал тексттердин музыкасына кайра сынак жарыяланмакчы.
Түркияда "Росатом" куруп жаткан "Аккую" АЭСинде жумушчулар нааразылык билдирип чыгышты. Алар көптөн бери айлык-акы бериле электигин айтып жатышат. "Росатом" корпорациясы "дос эмес өлкөлөрдүн аракетинен улам" айлык бере албай жатканын билдирген.
Дагы жүктөңүз
