Кыргызстанда 9-майда Жеңиш күнү белгиленүүдө. Бишкекте өткөн майрамдык иш-чарага президент Садыр Жапаров катышып, кайрылуусунда дүйнө согуштун сабагын албаганын белгиледи. Ошол эле маалда борбор калаада жана бир нече аймакта "Өлбөс полк" жүрүшү өттү.
Өзбекстандык белгилүү тарыхчы Кахроман Ражабов “Куугунтук курмандыктары” подкастында XX кылымдын башындагы Борбор Азиядагы улуттук боштондук кыймылдар, репрессия темасы боюнча, ошондой эле деколонизация тууралуу маек курду.
Кыргызстанда 9-май, Жеңиш күнү белгиленүүдө. Бишкекте өткөн майрамдык иш-чарага президент Садыр Жапаров катышты. Ошол эле маалда борбор калаада "Өлбөс полк" жүрүшү өтүүдө.
Эмки шейшемби 12-майда Венада Eurovision ыр сынагы башталганы жатат. Эксперттер бул мурда болуп көрбөгөндөй саясий талаш-тартыш менен коштолгон маданий иш-чара болорун болжолдошот. Буга чейин Израилдин катышуусуна нааразы бир нече өлкө сынакка бойкот жарыялаган.
Кыргызстан, Тажикстан жана Өзбекстандын чек аралары кесилишкен жерде эл аралык соода-экономикалык парк курулары кабарланды.
Кремл Жеңиш күнү алдында жарыялаган ок атышпоо тартиби көп өтпөй бузулду. Украина менен Орусия бири-бирине сокку урганы кабарланды. Ал арада 9-майда Кызыл аянттагы парадга Борбор Азиядан өзбек жана казак президенттери катышары белгилүү болду. Бирок баштапкы тизмеде аймактын лидерлери жок болчу.
Ошто “снос” өнөктүгү кайра башталды. Бул жолу шаардагы Ак-Буура дарыясы жана Увам каналынын жээгиндеги мыйзамсыз делген курулуштар бузулууда. Жээк бойлой, айрымдары суунун так үстүнө салынган объектилер экс-чиновниктерге жана уюшкан кылмыштуу топтордун мурдагы мүчөлөрүнө таандык экени айтылууда.
Кыргыз өкмөтү социалдык тармактагы кызматкерлердин эмгек акысын жапырт көтөргөнүн жарыялады. Бул соңку жумадагы эң кызуу талкууланып жаткан тема болууда. Мугалимдердин маянасы акыркы жолу 2022-жылы көтөрүлгөн болчу.
Испания Канар аралдарына кооптуу хантавирус катталган MV Hondius саякат кемесин кабыл алууга макул болду. Лайнердин бортундагы үч турист буга чейин вирустан көз жумганы, илдет жайылып жатканы кабарланууда. Илдет кемирүүчүлөрдөн жугат, бирок бул бул жолу адамдан адамга жуккан болушу мүмкүн.
АКШнын президенти Дональд Трамп Ормуз кризисине байланыштуу Перс булуңунда турган кемелерди коштоп өтүү операциясы убактылуу токтотуларын жарыялады. Трамп мындай чечимди Тегеран менен тынчтык келишимге келүү мүмкүнчүлүгүн баалоо аракети деп түшүндүрдү.
5-май Кыргызстанда жыл сайын белгиленүүчү тарыхый дата. Эгемендик алган алгачкы жылдары өлкө өзүнүн Конституциясын кабыл алган күн. Ошондон бери ал бир катар өзгөрүүлөргө дуушар болду. Быйыл Баш мыйзам күнүнө карата кайрылуусунда президент анын ар бир беренесин урматтоо маанилүү экенин эскертти.
Дагы жүктөңүз
