Кыргызстандык таксист Эрнис Бердиев Москвада жүргүнчүлөрдүн зомбулугуна кабылганын "Азаттыктын" "Мигрант Медиа" долбооруна айтып берди. Окуя 29-мартта болгон. Эрнис Бердиев аны эки адам сабаганын айтууда. Орусиянын полициясы окуя тууралуу маалымат бере элек.
Жогорку Кеңештин депутаттарына кызматтык унаа берүү маселеси коомчулукта кызуу талкууга түштү. Депутаттар 3-апрелдеги жыйынында бул маселени жабык карады. Учурда парламенттеги айым депутаттарга жана төрагага, анын орун басарларына гана кызматтык унаа каралган.
1938-жылы Орусиянын Колыма аймагына лагерге айдалган Осмон Элебесов тууралуу 80 жылдан кийин урпактарынын колуна архив документтер тийди. Ал юридикалык билими бар, өз доорунун алдыңкы ишмерлеринин бири болгон. 1938-жылы камакка алынып, 10 жылга лагерге айдалып, ошол жакта сөөгү калган.
Өзбекстандын Самарканд шаарында өткөн Европа Биримдиги–Борбор Азия саммитинин келечеги барбы? Чөлкөм, анын ичинде Кыргызстан андан кандай пайда көрүшү мүмкүн? Тышкы саясатта бул кызматташуу Кытайдын жана Орусиянын кызганычын ойготпойбу?
АКШнын Кыргыз Республикасындагы элчиси Лесли Вигеринин кыргызстандык жарандарга кайрылуусу. Элчи Америкага мыйзамсыз киргендерге карата жаза күчөгөнүн эскертип, ал өлкөдө мыйзамсыз жүргөн жакындарын мекенине кайтууга чакырууга үндөдү.
3-4 сәуірде Өзбекстанда Еуроодақ – Орталық Азия саммиті өтеді. Кей сарапшылар Брюссельдің "Ғалам қақпасы" жобасы Қытайдың "Бір белдеу – бір жол" бастамасына бәсеке ретінде таныстырылатын шешуші жиын деп қарастырады. Бірақ Еуроодақ Орталық Азия елдерін өзіне қарата ала ма?
Кыргыз өкмөтүнүн делегациясы Страсбургда Евробиримдиктин институттары менен сүйлөшүүлөрдү өткөрүп, өлкөдөгү демократиянын абалы боюнча да талкуу жүргүзүп жатканы маалым болду. Бир катар эл аралык уюмдар соңку жылдары Кыргызстанда демократия, адам укугу боюнча маселе курчуп жатканын белгилеп келишет.
Негизги байлыгын Казакстанда жыйнаган, тунгуч президент Нурсултан Назарбаевге жакын адамдардын бири болгону айтылган теги кыргызстандык миллиардер Александр Машкевич деген ким?
Бириккен Улуттар Уюмунун (БУУ) Айлана-чөйрө программасы жүргүзгөн изилдөөдө дүйнөнүн башка аймактарына салыштырмалуу Кыргызстанда абанын ысышы эки эсе тездик менен жүрүп жатканы айтылды.
Маданият, маалымат жана жаштар саясаты министрлигине караштуу Маалыматтык чөйрөнү изилдөө борбору бир жылга жетпей жоюлду. Тиешелүү токтомго Министрлер кабинетинин төрагасы Адылбек Касымалиев кол койгону белгилүү болду.
Президент Садыр Жапаров 31-мартта Тажикстандын Кожент шаарына барды. Ал тажик президенти Эмомали Рахмон менен жолугуп, чек ара, жол, суу жана энергетикага байланыштуу ратификацияланган грамоталар менен алмашуу протоколуна кол коюшту.
Мьянмада зилзалада набыт болгондордун саны өсүп жатат. 28-мартта 7,7 магнитудага жеткен жер титирөөдө жана андан кийинки силкинүүлөрдөн улам 1700 киши набыт болду, 300дөй адамдын тагдыры белгисиз. 3,5 миңге чукул адам жараат алганын эл аралык медиа кабарлады.
Дагы жүктөңүз
