Эрулан Кокулов “Не сахар” долбоору менен базарларда мөөнөтү өтүп кеткен товарларды, санитардык талапка жооп бербеген тамак-аш даярдалуучу жайларды аныктап, видеого тартып коомчулукка жарыялайт. Кокулов “Азаттыкка” маек куруп, товар керектөөчүлөрдүн укугу, мамлекеттин кайдыгерлиги жөнүндө айтты.
Ошто зергерлер ассоциациясы түзүлүп, аны Надырбек Момунбаев жетектейт. Колунан көөрү төгүлгөн чебер бул өнөрдүн сырын жана кантип өнүктүрсө болорун айтып берди.
«Азаттыктын» бүгүнкү коногу - Инвестицияларды илгерилетүү жана коргоо боюнча агенттиктин директору Алмамбет Шыкмаматов.Ал Кыргызстанга четтен капитал тартуунун оош-кыйышына, инвесторлордун коопсуздугуна, Конституциянын жаңы долбооруна байланышкан бир катар суроолорго жооп берди.
Кыргызстанда бензиндин литринин баасы 50 сомдон, дизель 45 сомдон ашып, кымбатташы мүмкүн. Энергетика жана өнөр жай министрлиги өлкөдө күйүүчү майдын баасы дагы 10 сомго чейин көтөрүлүшү мүмкүн экенин эскертип, анын беш себебин атады.
Тажикстанда машина айдоочулар күйүүчү майдын кымбаттаганына нааразы. Ал эми мунай сатуучу компаниялар баа Орусиядан көз каранды болуп жатканын билдирүүдө. Алар көйгөй чечилмейинче бензинди чектелген көлөмдө гана сатышарын айтышат.
Кыргызстанда “Ишкер аялды колдо” деген ат менен өнөктүк башталды. Анын максаты - ишкерликке ынтызар аялдардын бизнес жаатындагы мүмкүнчүлүктөрүн колдоого алуу болуп эсептелет.
“Дордойдогу” соодагерлерлер менен ишкерлердин ортосундагы пикир келишпестиктин айынан бир нече тигүү цехтеринин иши үзгүлтүккө учурады. Эки тараптын тирешүүсүнө Орусияга кийим ташыган Тажикстандык ишкерлердин соодагерлер менен эмес, кийим тигүүчүлөр менен түз иштешип жатышы себеп болгон.
Чаткал районундагы жубайлар Талантбек Боталиев менен Айзат Бегалиева насыя алып, сүт заводун ачкан. Былтыр дүйнөнү каптаган коронавирус пандемиясынан улам иши аксаган ишкана жакындан бери кайра жанданды. Учурда ишкерлер сүттү элден сатып алат.
Журналист жана жазуучу Кочкор Борбугуловдун “Багбан” аңгемесинде көпчүлүк кыргыз айылдарына мүнөздүү олуттуу социалдык көйгөй козголгон. Адабиятчы Бекташ Шамшиевдин кезектеги блогу.
Ысык-Көлдө туристтерди тосуп иштеген беш студент кыз пандемияда жумушсуз калганда бош отурбаш үчүн ишкерлик кылууга өтүшкөн. Кыздар алдыдагы майрамдарга карата таттуу белектерди жасап, айылда жаңылык киргизишкен.
Дагы жүктөңүз
