Соңку жылдары кыргыз режиссерлору сериал жанрына басым жасай баштаганын байкоого болот. Кыргызстандык сериалдар Борбор Азияга таанылып, миллиондогон көрүүчү топтоп жатат. “Азаттык+”бул тармактын бүгүнкү абалы жана эртеңки потенциалы жөнүндө режиссерлор менен болгон видеоподкастын сунуштайт.
58 жаштагы сүрөтчү Доктурбек Кысамединов тогуз жашында токко урунуп оң колунан ажырап калган. Анын кейиштүү тагдыры сүрөтчүлүк өнөрүн аксаткан эмес. Ал живопись, графика жана скульптура багытындагы ондогон эмгектердин автору.
Нарында “Шырдак” фестивалы өттү. Ага Кыргызстандын бардык облустарынан уздар келип, кол эмгектерин көзгөзмөгө коюшту. Иш-чаранын максаты кыргыз шырдагын дүйнөгө таанытууга багытталган.
“Азаттыктын” сыябан-маек берүүсүнүн кезектеги коногу - белгилүү котормочу, акын жана педагог, Кыргыз Республикасынын маданиятына эмгек сиңирген ишмер Эсентур Кылычев.
Нарын районунун Таш-Башат айылынын тургундары жаратылышка аяр мамиле жасап, жашыл климатка ыңгайлашып жашоонун жолун тапкан. Айылдын аялдары эски кийимден жасалган буюмдарын көргөзмөгө коюшса, мектеп окуучулары экотеатр уюштуруп, чакан айылда экологиялык майрам өттү.
Таанымал тарыхчы Кыяс Молдокасымов учурда байыркы кытай жазма булактарынан табылган кыргыз тарыхы тууралуу жаңы маалыматтардын үстүнөн иштеп жатат. Илимпоз отуз жылдан ашуун ар кайсы өлкөлөрдөгү архивдерде иштеп, баалуу тарыхый маалыматтарды топтоп жарыялаган.
YouTube каналында 25 миллиондон ашуун катталуучусу бар D Billions чыгармачыл тобу Балдарды коргоонун эл аралык күнүнө карата биринчи жолу Бишкекте жеке концертин өткөрдү. “Ала-Тоо” аянтына 30 миңден ашык көрүүчү келди. Чыгармачыл топ кийинки жылы дүйнөлүк турнеге чыгууну пландап жатышат.
90-жылдардын башында Эл артисти Замирбек Үсөнбаев Б.Бейшеналиева атындагы искусство институтунда акындык жана дастанчылык боюнча сабак берген. Азыр дастанчылык өнөрдү шакирттери Өмүрзак Кайыпов, Самат Көчөрбаев улантып, жаш муунду тарбиялоодо. Алардын ичинде чет жактан келген студенттер да бар.
Президенттик “Манас” камералык оркестринин дирижерлук жана көркөм жетекчилик кызматынан алынган Эрнис Асаналиев жаңы түзүлгөн “Ойно” оркестри менен Бишкекте концерт берди. Анын курамында өзү менен “Манас” оркестринде чогуу иштеген кесиптештери да бар.
Токтоболот Абдумомунов атындагы улуттук драма театрында үч муундун акындарынын башын бириктирген “Ыр өмүр” поэзия кечеси өттү. Кечеге аттын кашкасындай таанымал акындар менен катар миграцияда жүргөн жана элетте жашаган калемгерлер да катышты.
Бишкектеги Токтогул Сатылганов атындагы улуттук филармониянын көзөмөлдөө кызматында жети айым эмгектенет. Алар концерт-салтанаттарда элди тейлеп, кечигип келгендерди өз орундуктарына жайгаштырышат. “Азаттык” 15 жылдан бери эмгектенип жаткан Ракат Калыйбаеванын машакаттуу жумушу менен тааныштырат.
Бишкекте "Жай-2023" мода көргөзмөсү өттү. Иш-чара Дордой-Плаза борборунун чатырында өттү. Мында жергиликтүү жаш дизайнерлер өз коллекцияларын коюшту.
Дагы жүктөңүз
