Жаз-жай айларында шаардан көчө музыканттарын кезиктирүү кадыресе көрүнүш. Бул маданият Бишкекте кандай өнүгүп жатканын “Азаттык плюстан” көрүңүз!
"Азаттык" бул жолу Жалал-Абаддын облус борборунан 350 чакырым алыс жайгашкан Чаткал районунун Жаңы-Базар айылына барды. Өмүрүнүн 40 жылын тигүүчүлүккө арнап, айылдын кыз-келиндерине да жумуш таап берген 75 жаштагы Байскан Көчөрбаева боюнча айтып беребиз.
Жалал-Абад шаарынын 26 жаштагы тургуну Айтурган Кочкорова "Резин Арт" технологиясын үйрөнүп, түркүн буюмдарды жасап сатат. Анын кол эмгегинен чыккан буюмдарга кызыгып, Москвадан бери буюртма бергендер бар. Чайырдан же эл арасында айтылгандай смоладан буюм жасоого кызыккандарга сабак өтө баштады.
Салтка айланып калган кезектеги эл аралык жаз фестивалы Бишкекте өттү. Он сегизинчи ирет өтүп жаткан саамалыкка бул ирет Кыргызстан, Австрия, Италия, Израил өлкөсүнүн музыканттары катышты.
Ак таңдай акын Элмирбек Иманалиевдин обондуу ырларын камтыган “Булбулум, булбулум ай” деген китеп жарык көрдү. Тарых музейинде өткөн иш-чарада акындын обондуу ырлары жаңырып, чыгармачылыгына арналган көргөзмө уюштурулду. 20-апрелде өнөр ээсинин көзү өткөнүнө үч жыл толду.
Бишкектин четиндеги Новопокровка айылынын тургуну Виктор Сильчик "Азаттыкка" короосунан байыркы карапа таап алганын айтып кайрылды. Тарыхчы, археолог Кубат Табалдыев бийиктиги эки метрге чукул чоподон жасалган карапа VIII-XI кылымга таандык экенин айтууда.
Сүрөтчү Нургуяна Иннокентьева Кыргызстандагы 2005-2010-жылкы ыңкылаптардын урунтуу учурларын чагылдырган “Революция портреттери” деген сериядагы сүрөттөрдү тарткан. Якут кызы 30 жылдан бери Кыргызстанда жашайт.
Улуттук “Манас” театрынын кызматкерлери Нурсултан Малдыбаев менен Азамат Асанбековдун комуздун коштоосунда ырдаган тамашалуу ырлары социалдык тармактарда жылуу кабыл алынууда. Алар социалдык көйгөйлөрдү, коомчулукта талкуу жараткан окуяларды ырга салып, элге тамаша менен жеткирип жатат.
"Азаттыкта" иштеп кеткендер арасында акын, журналист, Кыргыз Республикасынын маданиятына эмгек сиңирген ишмер Фатима Абдалова дагы бар. Ал "Мен дүйнөнү апам менен тааныгам" деген ырдын сөзүн жазган. Бул жолку маекте эркин басма сөздүн ролу, акындык менен журналистиканын байланышы жөнүндө сөз болду
Жетимишинчи жылдары жылдызы жанган ырчы Кеңеш Кожомкулов өзгөчө үнү жана тагдыры менен эсте калды. Ал “Арашан” ыр-бий эстрадалык ансамблин түзгөн.
Лейлектин мурдакы Маргун азыркы Мурас айылында койдун бир тал жүнү жөн калбайт. Ал эле эмес жүндү Бишкектен, Алайдан бери сатып алышат. Анткени бул айылда дээрлик ар бир үйдө койдун жүнүнөн килем токуу өнөрү колго алынып, жумушсуз келин-кыздар килемчиликтен киреше таап турат.
Токтоболот Абдумомунов атындагы Кыргыз улуттук академиялык драма театрында белгилүү журналист, акын, "Азаттыктын" редактору Кубат Оторбаевдин “Гүлдөр күтөт” аттуу ыр жыйнагынын бет ачар аземи өттү.
Дагы жүктөңүз
