Бишкектин Абдрахманов жана Токтогул көчөлөрүнүн кесилишиндеги бийик кабат үйдүн көркү ачылды. Жергиликтүү арт-тайпа демөөрчүлөрдүн колдоосу менен балбан кыз Айсулуу Тыныбекованын ири сүрөтүн тартышкан.
Абдылас Малдыбаев атындагы кыргыз улуттук опера жана балет театрынын балет труппасы президентке кайрылды.
9-сентябрь Кыргызстанда эки жылдан бери Комуз күнү катары белгиленип келет. “Азаттыктын” талкуу төрүндө белгилүү музыка изилдөөчүлөр жана күүчүлөр улуттук аспаптын баалуулугу жана келечеги тууралуу маек курушту.
26 жаштагы Бекназар Алмазбеков Орусиянын Урал аймагындагы белгилүү дизайнерлердин бири. Екатеринбург шаарында окуган кыргызстандык дизайнер бир катар конкурстардын жеңүүчүсү. Ал бир кезде иш издеп кеткен мигрант үй-бүлөнүн уулу.
Оппозиционер Жениш Молдокматовго октябрь окуяларына байланыштуу дагы үч айып тагылды. Депутат Мирлан Жээнчороев жүзгө жакын жарандын телефонун тыңшоого уруксат берген Биринчи Май райондук сотунун судьясын кызматтан кетирүүнү сунуштады. "Талибан" Ооганстандын жаңы өкмөтүнүн курамын жарыялады.
Борбор калаадагы Гапар Айтиев атындагы көркөм сүрөт музейинде сүрөтчү Сабиджан Бабаджановдун сүрөт көргөзмөсү ачылды. Көргөзмөдө сүрөтчүнүн ар кыл жанрдагы эмгектери коюлган.
Эгемендиктин 30 жылдыгына арналган кыргыз-казак айтышы коомчулуктун бүйүрүн кызытып, сын-пикирлерге да жем таштады. "Азаттыктын" маек төрүндө айтышка катышкан төкмө акындар пикир бөлүштү.
Бишкекте эгемендүүлүктүн 30 жылдыгына арналган эл аралык кыргыз-казак айтышы өттү. Бул айтыш ошону менен катар “Айтыш” фондунун 20 жылдыгына, Жеңижок Көкө уулунун 160 жана казак акыны Жамбыл Жабаевдин 175 жылдыгына арналды. Айтыштын байге фонду 3 млн сомду түздү.
Бишкектеги Гапар Айтиев атындагы көркөм сүрөт музейинде 24-августта ачылган "Жаңы социалдык реализм" көргөзмөсүнө эл сүрөтчүсү Таалайбек Усубалиевдин эмгектери да коюлган. Анын "Ата-Бейит" аттуу картинасы коомчулукта чоң талаш-тартыш жаратты.
24-25-августта Токтогул Сатылганов атындагы улуттук филармонияда Кыргызстандын эгемендүүлүгүнүн 30 жылдыгына карата эл аралык казак-кыргыз сармерден оюну өттү. Бул сармерден канатташ эки элдин ортосундагы алгачкы ирет өтүп жаткан кыз-жигит оюну.
Нарында “Шырдак” фестивалы онунчу ирет өттү. Эл аралык деп айтылган бул иш-чарада 7 облустун уздарынын кол эмгектери көрсөтүлдү. Кыргыз шырдагын дүйнөгө таанытууну көздөгөн бул фестивалга чет өлкөлүк туристтер келгени менен кол өнөрчүлөрдүн соодасы анчейин кызыган жок.
23-августта А. Малдыбаев атындагы опера жана балет театрында Казакстан Республикасынын эл жазуучусу, Кыргыз эл акыны Мухтар Шаханов менен жолугушуу өттү. Иш-чарага белгилүү коомдук ишмерлер, акын-жазуучулар катышты. Быйыл 79 жашка чыккан Мухтар Шаханов Казакстандын Кыргызстандагы элчиси кызматын арк
Дагы жүктөңүз
