"Азаттыктын" Прага шаарындагы кеңсесинин кызматкери, "Азаттык+" телепрограммасынын мурунку алып баруучусу. Кыргыз-Орус (Славян) университетин аяктаган.
АКШнын Флорида штатында “Милтон” бороонунан улам 10дон ашуун адамдын өмүрү кыйылганын CBS телеканалы аймак бийлигине таянып кабарлады. Эки миллиондон көп киши коопсуз жактарга чыгарылса, үч миллиондой үй-жай жарыксыз калды. "Азаттык" Кошмо Штаттагы кыргызстандыктар менен байланышып, кырдаалды сурады.
Казакстан Борбор Азиядагы алгачкы АЭС курууга дагы бир кадам жакындады. Өзбекстан да Орусия менен чогуу чакан АЭС курууну көздөп жатат. Кыргыз өкмөтүнүн өкүлдөрү АЭС куруу үчүн коомчулукта түшүндүрүү иштерин баштаганын билдирди. Эмне себептен Орусия регионго АЭС курууга кызыкдар?
Италия үчүн Кыргызстан менен бекем алака түзүү маанилүү, ошол эле учурда расмий Бишкек дагы экономикалык жана саясий жактан алганда өнөктөштөрүнүн санын көбөйткүсү келет. Мындай пикири менен Борбор Азия боюнча италиялык изилдөөчү Давиде Канкарини бөлүштү.
Ирандын жогорку руханий лидери, аятолла Али Хаменеи 4-октябрдагы жума намазда кайрылуу жасайт деп күтүлүүдө. Израил Ливанга аба соккуларын күчөтүп жатканда, Жакынкы Чыгышта жаңжал ырбап кетиши мүмкүн деген кооптонуу күч алды.
Орусиянын армиясы Украинанын аймактарын абадан аткылоону улантууда. НАТОнун жаңы башчысы Марк Рютте Киевге күтүүсүздөн барды. Аскердик аналитиктер Угледарды басып алгандан кийин орусиялык күчтөр чабуулун улантып, алдыга баратканын маалымдашты.
Европадагы коопсуздук жана кызматташтык уюмунун адам укуктарына арналган Варшавадагы жыйынында Кыргызстандагы сөз эркиндигинин абалы, “чет элдик өкүл” тууралуу мыйзамдын кесепети сыяктуу маселе көтөрүлдү.
Иран Израилге каршы ракеталык чабуулун токтотту. Расмий Тегеран 2-октябрда тараткан маалыматка караганда, зарылчылык болбосо чабуул кайра жанданбайт. 1-октябрдын кечинде Израилдин абадан коргоо системасы Ирандын 180 ракетасынын көбүн атып түшүргөнү кабарланды.
1-октябрдын кечинде Иран Израилдин бир катар аймактарын баллистикалык ракеталар менен аткылады. Тегерандын бул кадамы АКШ террордук уюм деп тааныган "Хезболла" тобуна каршы Израил армиясынын Ливандагы операцияларына жооп катары каралууда.
Израилдин премьер-министри Биньямин Нетаньяху АКШ террордук уюм деп тааныган жана "Хезболла" радикал тобунун лидеринин өлтүрүлүшүн аймактагы коопсуздук үчүн зарыл кадам катары сыпаттады. 29-сентябрда эртең менен Бейрутта абадан сокку урулганы кабарланды.
Temirov Live каналынын тогуз айдан бери тергөө абагында отурган журналисти Айке Бейшекеева эл аралык "Гратиас Тиби" сыйлыгынын лауреаты болду. Чехиядагы “Зарлаган адамдар” бейөкмөт уюму 23 жаштагы кыргызстандык журналистке адам укуктарын коргоо жаатындагы каармандыгы үчүн бул сыйлыкты ыйгарды.
Кремл Орусиянын өзөктүк доктринасын өзгөртүүдө. Президент Владимир Путиндин сунушуна ылайык, эми Орусияга каршы кадимки курал-жарак колдонулса да өзөктүк сокку менен жооп кайтарылышы мүмкүн. Киев муну “опуза” деп атады.
Жакында эле, тактап айтканда, 28-августта расмий Бээжин чет өлкөлүктөргө кытай балдарын асырап алууга мүмкүнчүлүк берген программаны токтотконун жарыялады. Бир кезде Кыргызстанда дагы чет элдиктерге бала асыроого убактылуу чектөө киргизилип, кийин кайра жанданган.
Украинанын президенти Владимир Зеленский 25-сентябрдын кечинде БУУнун Башкы ассамблеясында сүйлөдү. Андан кийин АКШ президенти Жо Байденге "жеңиш планын" сунуштай турганы күтүлүүдө. Ал тапта Орусиянын армиясы Украинага тынымсыз абадан сокку уруп, өлкөнүн чыгышында чабуулдарын күчөттү.
Ливанда Израил армиясынын соккуларынан 500дөй адамдын өмүрү кыйылганын расмий Бейрут билдирди. Мерт болгондордун 90дон ашууну балдар жана аялдар.
23-сентябрдын таңында израил армиясынын Ливандын түштүгүнө жасаган аба соккуларынан 500гө чукул кишинин өмүрү кыйылганын расмий Бейрут кабарлады. Маалыматка караганда, 1500дөн ашуун адам жараат алды. ЦАХАЛ "Хезболла" террордук тобуна тийиштүү курал-жабдык сакталган жайларды бутага алганын билдирди.
Кыргызстан үч жыл мурда Ооганстанда бийликти басып алган “Талибан” кыймылын террордук жана экстремисттик уюмдардын тизмесинен чыгарды. Ага чейин Казакстан да ушундай эле чечим кабыл алган.
АКШнын президенттигине Демократиялык партиядан ат салышып жаткан Камала Харрис менен республикачылардын атынан кайра эң жогорку кызматка барууга бел байлаган Доналд Трамптын алгачкы дебаты өттү.
9-сентябрга караган түнү орус армиясы башкалаа Киев баш болгон Украинанын бир катар аймактарына абадан чабуул койду. Дрондордун көбү абадан атып түшүрүлгөнүн украин күчтөрү билдирди. Фронт тилкесине жакын Покровск багытында кармаш уалнууда.
Италиянын Милан шаарында өткөн Европадагы кыргыз диаспораларынын форумунда Европадагы кыргызстандык кыз-келиндердин ассоциациясын түзүү боюнча декларация кабыл алынды.
8-сентябрда Иордания менен оккупацияланган Батыш жээктин ортосундагы чек арада атышуу болуп, үч адам каза тапты. Алар Израилдин жарандары экени, окуя Алленби өткөрмө бекетинде болгону маалымдалды.
Дагы жүктөңүз
